Dashi
Provojuni të gjithëve se çfarë jeni të aftë të bëni gjatë kësaj dite. Do mund të kaloni edhe pengesa shumë më të mëdha nga sa keni imagjinuar. Për ju të dashuruarit dita duket shumë premtuese. Venusi do iu bëjë t’i shijoni gjithë kënaqësitë që iu jep të qenit në një lidhje. Dashuria për ju beqarët do shkojë mirë dhe ju do kaloni momente të mrekullueshme. Dilni, pranoni ftesa dhe argëtohuni sa më shumë të mundni. Në punë do merrni përsipër detyra shumë të vështira, por kjo nuk do ju trembë aspak. Në planin financiar do e keni të vështirë ta përmirësoni situatën pas problemeve që keni pasur. Bëni durim dhe keni për të dalë të fituar.
Demi
Emocionet tuaja nuk do jene te njëjta gjatë gjithë ditës së sotme. Herë pas here mund të ndiheni edhe keq. Nëse jeni në një lidhje keni për të pasur një ditë shumë më të këndshme se më parë megjithatë nuk do arrini të zgjidhni të gjitha hallet që keni pasur. Bëni edhe pak durim dhe keni për të fituar. Ju beqarët duhet të keni më shumë besim në vetvete dhe keni për ta parë sesi mund të shndërrohet në një histori të bukur edhe një miqësi e vjetër. Për punën ka për të qenë një ditë delikate. Konkurrenca e madhe herë pas here do ju stresojë dhe do ju lodhë pafundësisht. Për planin financiar priten surpriza mjaft të këndshme.
Binjakët
Gjatë ditës së sotme priten ndryshime shumë të mëdha. Do jeni edhe më të vëmendshëm dhe do i bëni ballë çdo pengese që do iu dalë. Nëse jeni në një lidhje mundohuni ta ndryshoni sa më shpejt rutinën. Nëse mendoni gjatë gjithë kohës se partneri ju do dhe s’mund të bëjë asgjë pa ju, rrezikoni të përballeni me një surprize të pakëndshme. Ju beqarët do keni shumë fat për një takim të veçantë kësaj radhe. Nëse krijoni një lidhje me të, do jeni te lumtur për një kohë të gjatë. Në punë do ju propozohet një detyrë e re shumë interesante. Nëse e pranoni keni për të fituar shumë më shumë. Me financat do tregoheni shumë impulsive.
Gaforrja
Gjatë kësaj dite do fillojë një cikël i ri në jetën tuaj dhe do hiqni dorë nga disa zakone të këqija të së shkuarës. Disa konflikte mund ta tronditin pak jetën tuaj në çift dhe ju do e keni paksa të vështirë të ruani një klimë të qetë. Fatmirësisht Jupiteri dhe Venusi do iu ndihmojnë në këtë fushë. Ju beqarët nuk do tërhiqeni nga aventurat e momentit. Për këtë arsye keni për të mbetur përsëri vetëm. Në punë do i konkretizoni më shumë idetë që keni pasur dhe për pasojë shefat do mbajnë premtimet që kanë bërë. Pritet një ditë me shumë sukses. Do keni tendence të shpenzoni shumë dhe financat do përkeqësohen. Sido që të jetë situata mos merrni vendime të nxituara.
Luani
Nevoja juaj për të rënë në sy dhe për t’u vlerësuar do jetë e madhe sot. Mund të ndërmerrni edhe rreziqe për të arritur atje ku doni. Nëse keni një lidhje, sido që t’iu vijnë punët do i jepni prioritet absolut partnerit. Mund të lini çdo gjë tjetër pas dore vetëm për ta mbajtur atmosferën të ngrohtë. Për ju beqarët gjithashtu perspektivat do jenë të mira dhe mund të takoni persona me shumë vlera. Në planin profesional nuk do keni ndonjë arritje të madhe dhe në disa momente mezi do e shtyni. Vetëm paratë do ju mbajnë për të mos hequr dorë nga gjithçka. Shpenzimet kryejini me sa më shumë maturi që të mundeni nëse nuk doni të keni më pas probleme serioze.
Virgjëresha
Ka mundësi që gjatë kësaj dite të keni probleme, megjithatë sensi juaj i humorit do ju bëjë ta kaloni gjithçka më me lehtësi. Askush nuk do e kuptojë se çfarë do ndieni në brendësi. Ju të dashuruarit, nuk do i shihni gjërat shumë qartë dhe mund të hidhni disa hapa të gabuara. Nëse keni për të marrë vendime, shtyjini për më vonë. Ju beqarët do filloni dashuriçka afatshkurtra, por tejet emocionuese. Çdo gjë do jetë ashtu si e keni ëndërruar. Në punë do lodheni shumë dhe do e ulni rimin. Nuk do jeni më aq produktivë sa më parë. Në planin financiar mundohuni të gjeni zgjidhje sa më të shpejta për problemet nëse nuk doni që situata të rëndohet.
Peshorja
Gjatë kësaj dite do keni energji dhe vullnet për të bërë çdo gjë. Do ecni përpara me shpejtësi dhe shumë do ju adhurojnë. Edhe pse puna do ketë rëndësinë më të madhe ju që keni një lidhje do kaloni momente të këndshme dhe do keni dëshirë të qëndroni pranë partnerit e të dashuroheni pa i vënë vetes limite. Ju beqarët do ndiheni goxha mirë pranë personave që do takoni dhe nuk do nguroni as të hidhni hapa. Në punë vërtet do e keni pak të vështirë të ndiqni disa rregulla të reja që janë vendosur, por kjo nuk do të thotë që nuk do arrini atje ku doni. Buxheti do mbetet i kënaqshëm sepse kohët e fundit keni marrë masa dhe i keni menaxhuar paratë me kujdes.
Akrepi
Gjatë kësaj dite do pëlqeni intensitetin dhe nuk do preferoni të keni një jetë tërësisht të qetë. Do guxoni për gjëra të reja dhe do ja dilni mbanë. Nëse keni një lidhje qëndroni me këmbë në tokë, bëni ndonjë gjë interesante, por mos besoni verbërisht tek ai që keni në krah në mënyrë që mos zhgënjeheni më pas. Nëse jeni beqarë dhe doni të krijoni një lidhje të re mos u nxitoni, njihuni më mirë me ata që do takoni dhe pastaj hidhni hapa. Në punë do keni disa pengesa të vogla, të cilat do i zgjidhni shpejt. Ju keni aftësi të rregulloni çdo problem që ju del përpara. Sektori i financave do jetë si zakonisht, por pas mesditës do filloni një projekt të ri që mund ta përmirësoje ato jashtëzakonisht. Bëni durim.
Shigjetari
Sot do ëndërroni një ditë intensive dhe me risi, por nuk do keni shumë kohë të lirë. Gjithsesi disa zgjedhje duhen bërë patjetër. Nëse keni një lidhje ka mundësi të realizoni disa projekte që keni menduar me partnerin tuaj, të cilat do e ndryshojnë rrënjësisht jetën tuaj. Edhe ju beqarët do keni shumë fat në dashuri dhe duhet ta shfrytëzoni ditën sa më shumë. Në punë planet për të ardhmen mund të kenë mundësi të mira realizimi. Me ndihmën e kolegëve mund të konkretizohet ndonjë prej tyre dhe gëzimi do ju pushtojë shpirtin. Gjendja e financave nuk do jete e keqe. Tashmë keni mësuar nga gabimet dhe do dini si të veproni në çdo moment.
Bricjapi
Gjatë gjithë kësaj dite do jeni paksa të nevrikosur dhe mund të bëni gjëra për të cila nuk keni menduar kurrë se mund t’i bënit. Juve që jeni në një lidhje që prej shumë kohësh do kaloni një ditë paksa të vështirë. Situata në vend që të përmirësohet rrezikon të përkeqësohet falë ndikimit të Uranit. Nëse jeni vetëm, jeta sentimentale përsëri nuk do marrë vëmendjen e duhur. Në punë do keni shumë dëshirë të komandoni dhe kjo mund të krijojë debate e zënka. Merrini gjërat më shtruar sepse nuk është ende koha për të dalë në paravijë. Mos bëni shpenzime marramendëse sepse buxheti do të shterojë. Planetët do ndikojnë negativisht në këtë sektor.
Ujori
Sot do jeni disi më të ndërgjegjshëm dhe do mundoheni të ndreqni edhe gabimet që keni bërë deri më sot. Nëse jeni në një lidhje dhe prej disa kohësh, marrëdhënia juaj me partnerin ka qenë e pastabilizuar, sot do mund të merrni frymë lirisht. Saturni do i largojë të gjitha debatet dhe mosmarrëveshjet. Nga ana tjetër, Marsi, planeti i dëshirave do të influencojë jetën sentimentale për ju beqarët. Do ia kaloni mirë, por dashuria e madhe nuk do të vije as sot. Dielli do ju ndihmojë në planin profesional. Do jeni shumë më aktivë dhe do hidhni hapa që as vetë nuk i kishit imagjinuar ndonjëherë. Në planin financiar mos merrni asnjë vendim. Sepse buxheti nuk do jetë i qëndrueshëm.
Peshqit
Hëna dhe Saturni do bëhen bashkë gjatë kësaj dite për t’ua larguar mërzitjen dhe për t’iu bërë më të logjikshëm. Pas mesditës do ndiheni më të qetë e më të frymëzuar. Nëse keni një lidhje bashkëpunoni me partnerin që gjërat të shkojnë mirë. Nëse kohët e fundit keni pasur tension gjithçka do qartësohet. Ju beqarët do jeni romantikë dhe do kërkoni me ngulm personin e zemrës. Delikatesa në veprim dhe aftësia juaj joshëse do iu bëjë të arrini atje ku doni. Në punë detyra e re do ju apasionojë më tepër dhe nuk do ndaleni asnjë minutë. Disa kolegë të vjetër do iu japin mbështetje të pakushtëzuar. Situata financiare do jetë e turbullt. Do doni të përmbushni disa dëshira dhe do shpenzoni shumë. Kujdes sepse buxheti e ka një fund. /dritare.net
