“A jeni të ndërgjegjshëm se sa e shtrenjtë është jeta?!”/ Thirrja e mjekut të QSUT-së: Virusi nuk kursen asnjë moshë, pacientët tek Infektivi janë të trembur, respektoni masat

Mjeku i Urgjencës në QSUT, Eqerem Hasani iu bën thirrje qytetarëve që të respektojnë masat për COVID-19. Në një postim në Facebook, ai shprehet se qytetarët duhet të respektojnë distancimin social dhe të mbajnë maskë, pasi situata është shqetësuese. Sipas tij në spitalin Infektiv çdo ditë vijnë pacientë të infektuar e disa prej tyre e humbin betejën me COVID-19. Ai tregon se pacientët janë të trembur teksa përballen me virusin.

 

“Sa herë kthehem nga spitali dhe shoh lokalet plot pa asnjë masë mbrojtëse, të tejmbushur, me të rinj pa maska, te grupuar në tavolina shumë pranë njera tjetrës, grupe njerzish ne parqe e rrugë pranë njeri tjetrit pa asnjë distancim fizik, më trishton mendimi që a jemi të ndergjegjshëm se sa e shtrenjtë është jeta?!.”, shprehet ndër të tjera ai.

Statusi i Mjekut

 

TË GJITHË SË BASHKU TË SHKËPUSIM ZINXHIRIN, TË PËRMBYSIM SHIFRAT…

 

Prej disa ditësh po përballemi me bilance negative të shtrimeve, viktima, numër të larte të infektuar si dhe situata të agravuara.

Pacientë të ndryshëm që i drejtohen Urgjencës Polivalente të QSUT me sëmundje kronike të rënduara, nuk jane te friksuar nga semundja që mbartin prej vitesh, por janë te trembur nëse ato kërcënohen nga ky virus që ka përfshirë gjithë globin.

Shqetësimin e tyre e shprehin: ” Doktor…kam frikë nga virusi se unë vuaj me diabet/ hipertension/ sëmundje koronare. Kam frikë se unë përpiqem, mbrohem, por nuk mbrohen të tjerët.”

Këtu fillon dilema për të gjithë ne.

 

 

Për më shumë bëhu pjesë e grupit më viral në Facebook, Dosja.al

 

Sa herë kthehem nga spitali dhe shoh lokalet plot pa asnjë masë mbrojtëse, të tejmbushur, me të rinj pa maska, te grupuar në tavolina shumë pranë njera tjetrës, grupe njerzish ne parqe e rrugë pranë njeri tjetrit pa asnjë distancim fizik, më trishton mendimi që a jemi të ndergjegjshëm se sa e shtrenjtë është jeta?!.

Pa dashje po gabojmë, pa e kuptuar! Por na besoni: Jemi në kohë të bëjmë ndryshimin e madh për një perqasje tjeter ndaj këtij virusi i cili mund të ndodhet kudo dhe nuk kursen asnjë moshë. Ju nuk e shihni, ai është shume tinzar.Zinxhiri i tij po vijon te zgjatet vetem nga pakujdesia masive.

Prandaj, si mjek, kam vetëm një lutje:

Ju lutem, ju lutem…të luftojmë të gjithë sëbashku për shkëputjen e hallkave të zinxhirit te ketij virusi që po merr jetë çdo ditë.Jemi popull i vogel e duhet të mbrojmë fort jetën, të mbrojmë veten dhe të tjerët. Eshte nje sakrifice qe duhet ta bejme të gjithë ne emer te jetes, ne emër të së ardhmes.

MBANI MASKEN!

RESPEKTONI DISTANCIMIN SOCIAL.

NDIQNI KËSHILLAT E SPECIALISTËVE.

Na besoni, ne bëjmë detyren tonë e ju duhet të na ndihmoni në këtë luftë të veshtire!

Vetëm të gjithe së bashku mund ta fitojmë atë me sa më pak humbje jetë njerzish. Na besoni…!

 

Ndërkohë gjatë 24 orëve të fundit janë regjistruar 74 raste me COVID-19. Gjithashtu dy pacientë të tjerë humbën betejën me visurin duke i çuar numrin në 76. Aktualisht në vendin tonë ka 1160 raste aktive. Sakaq në spitalin Infektiv po marrin shërbim 89 pacientë, 11 prej të cilëve në gjendje të rënduar, ku një është intubuar.