Që nga fillimi i dhjetorit, Policia Bregdetare e Barit në Itali, ka kapur 40 ton produkte peshku, për një total prej 124 mijë eurosh, dhe ka raportuar për hetim 6 persona. Aktiviteti i inspektimit është përqendruar në biznesin e shpërndarjes dhe ka pasur si objekt tregtarët me shumicë vendas të produkteve të peshkut. Ky aksion ka pasur si qëllim që të parandalojë speciet ujore që vijnë nga jashtë, kontrollin e higjienës të përcaktuar për të garantuar cilësi tek konsumatori.
Ndër operacionet më të rëndësishme është sekuestrimi i 14 tonë kokë peshku monk, të importuar nga Namibia dhe të gjetur në një platformë logjistike në Matera, në mungesë të dokumenteve që vërtetojnë origjinën e tyre reale. 2 ton e gjysmë të tjera sepje nga Tunizia u gjetën në një treg shumice në Monopoli, e cila rezultoi pa autorizimet e nevojshme për të ushtruar biznesin dhe për të cilën autoritet urdhëruan gjithashtu mbylljen e menjëhershme të aktivitetit.
Ndërsa, një ton karkaleca të kuq nga Greqia pa dokumentacion shoqërues tregtar u gjetën në një automjet të zbarkuar nga një traget në portin e Barit. Mallrat e sekuestruar u dhuruan për bamirësi, ndërkohë që autoritetet nisën hetimet e rastit.//Telebari
