Çfarë duhet të konsumoni më tepër bazuar në shenjën tuaj të horoskopit

Dashi

Për shkak të nevojave tuaja të vazhdueshme për të lëvizur, shpesh herë injoroni dhe anashkaloni ngrënien e vakteve. Në vend që të gllabëroni hamburgerin e parë që ju del para, merrni në konsideratë frutat e thata dhe farat!

Demi

I njohur si një adhurues i madh i çokollatës,Demi shpesh është gjendet përpara një tundimi të ëmbël. Nëse doni të ruani linjat, ju sugjerojmë që të zëvendësoni qumështin me çokollatë, me lëng ose me sallatë frutash. Pika e dobët e kësaj shenje të zodiakut është sistemi i tretjes, prandaj shtoni në menunë tuaj vajin e ullirit ekstra të virgjër dhe lëngun e limonit.

Binjakët

Në krye të piramidës tuaj të ushqimit duhet të vendoset karota. E njohur për aftësinë e saj për të përmirësuar shikimin, një karotë në ditë mund të zvogëlojë rrezikun e kancerit të gjirit me 50%. Përveç kësaj, Binjakët duhet të shtojnë në menunë e tyre të përditshme edhe boronicat e kuqe të cilat janë plot me antioksidantë. Zvogëloni konsumimin e kafes dhe lëngjeve me përbërësit artificial.

Gaforrja

Ushqimi kalorik është armiku juaj më i keq. Shmangni produktet e qumështit dhe largoni urinë tuaj duke konsumuar mollë dhe çaj gingeri, të cilat ndikojnë në përmirësimin e punës së sistemit të tretjes. Gjithashtu, konsideroni konsumin më të shpeshtë të brokolit dhe lakrës jeshile.

Luani

Shëndeti i zemrës duhet të jetë prioriteti juaj themelor. Shmangni ushqimet e skuqura që bllokojnë arteriet dhe mbështeteni shëndetin tuaj duke kërkuar avokado dhe vaj ulliri. Ushqimet pasurojini me kërpudha, karota dhe oriz ngjyrë kafë. Organin më të rëndësishëm siç është zemra, mund ta ruani edhe duke konsumuar çokollatë të errët.

Virgjëresha

Kjo shenjë është e para që qëndron në radhë për ushqimet organike. Megjithatë, Virgjëresha shpesh di të jetë në shënjestër të sëmundjeve të sistemit nervor. Kështu që duhet të hani më shumë mollë, të cilat kanë një efekt të favorshëm, por mos harroni kikirikat dhe bajamet.

Peshorja

Ruajtja e niveleve të shëndetshme të sheqerit në gjak është thelbësor për shëndetin tuaj. Filloni ditën tuaj me një mëngjes të pasur me proteina, të tilla si, vezët ose frutat. Gjithmonë duhet të keni pranë vetës një pako me fruta të thata. Mos injoroni as acidet yndyrore omega-3, të cilat gjenden në prodhimet e detit.

Akrepi

Akrepat kanë tendencë që të grumbullojnë ndonjë kilogram shtesë, sidomos në zonën rreth barkut, që për shumëkënd ndërlidhet me një metabolizëm të ngadalshëm. Gjendja mund të përmirësohet duke përdorur farat e lirit në ushqim ose drithërat. Personat me këtë shenjë të horoskopit duhet të konsumojnë më shumë brokoli, lakër jeshile, boronica dhe rrush të kuq.

Shigjetari

Aventurierët e palodhur- Shigjetarët, ditën duhet ta fillojnë me një lëng të freskët nga portokalli i shtrydhur. Kjo bombë energjike mund të përmirësojë ndjeshëm cilësinë e jetës tuaj.

Bricjapi

Konsumimi i ushqimeve të pasura me kalcium është shumë e rëndësishme për shëndetin tuaj. Kockat janë pika juaj e dobët, kështu që nuk duhet lënë pas dore ushqimet e pasura me acide yndyrore omega-3. Peshku dhe bananet duhet të jenë pjesë përbërëse në frigoriferin tuaj.

Ujori

Sistemi juaj nervor vepron në një frekuencë të lartë, për këtë arsye, duhet të siguroni një ushqim të përshtatshëm. Për ju, mëngjesi është mbreti i të gjitha vakteve të ushqimit, kështu që lirisht përdorni vezë ose ushqime me vlera të ngjashme të energjisë. Avokado do të kontribuojë për një nivel të shëndetshëm të sheqerit në gjak, kurse rrushi i kuq ndikon në qetësinë tuaj.

Peshqit

Peshqit zakonisht shfaqin probleme me sistemin e frymëmarrjes dhe imunitetit. Alergjinë mund ta mposhtni me anë të boronicave të kuqe, karotat dhe drithërat, kurse si aleatin tuaj kryesor e keni hudhrën. Çdo mëngjes pini një gotë me ujë të ngrohtë me limon.