Horoskopi nga Paolo Fox, çfarë rezervojnë yjet për Daten 15 janar 2022

Dashi: Sot është një ditë pozitive për ndjenjat, sidomos nëse keni nevojë të sqaroni diçka me partnerin tuaj. Ndërsa në punë mund të ndiheni pak të lodhur. Bëni kujdes me persona të shenjës së Bricjapit.




Demi: Këto ditë kanë qenë të qeta për ju në aspektin sentimental. Prisni deri të dielën për emocione të forta. Në punë, nuk është momenti i duhur për të bërë zgjedhje të rrezikshme.

Binjakët: Hëna ju fton të përjetoni emocione pa hezituar. Nga ana tjetër, në punë, nëse keni dyshime, mos i bëni gjërat me nxitim.




Gaforrja: Duhet të tregoheni të matur për çështje të caktuara në romancën tuaj. Ndërsa në punë shmangni debatet dhe mos e mbingarkoni veten.

Luani: Edhe nëse nuk ka emocione të forta, situata për ndjenjat është pozitive. Nga ana tjetër në punë nuk ju mungon energjia, ndaj përfitoni të realizoni projektet që keni menduar!




Virgjeresha: Sot do të keni disa dyshime për partnerin/partneren që mund ta zgjidhni me dialog. Në punë, vini në provë idetë tuaja dhe nëse vendosni të largoheni nga një kompani, bëjeni me kokën lart.

Peshorja: Falë ndikimit të Hënës, dita do të nisë mjaft mirë. Në punë, do të keni shumë energji gjatë pasdites dhe çdo problem profesional që keni pasur prej muajsh, do të zgjidhet.




Akrepi: Në dashuri do të jeni të papërmbajtshëm. Në punë, nëse ka diçka që nuk shkon, mos hezitoni të flisni për të.

Shigjetari: Bëni mirë të tregoheni të pjekur për konflikte që keni me persona të shenjës së Peshqve dhe Binjakëve. Në punë, projekte të reja do të vijnë, ndaj mos kini frikë të ndryshoni!

Bricjapi: Sot do të hiqni çdo dyshim që keni për partnerin. Në punë, përpiquni të mos emocionoheni shumë dhe kujtoni se ndonjëherë është mirë të delegoni disa detyra.




Ujori: Kjo është ditë shumë e bukur për dashurinë, ndaj filloni të planifikoni diçka të këndshme për fundjavën që tani. Në punë, edhe nëse ju pëlqen të eksperimentoni, duhet të pranoni atë që ju propozohet.

Peshqit: Sot bëni kujdes dhe shmangni debatet e panevojshme. Në punë, do të vijnë lajme të mira por hidhini një sy shpenzimeve.