dashi
Kohët e fundit keni patur një nevojë të pashpjegueshme për të udhëtuar diku larg. Do të ndjeni ndikimin e dy eklipseve të fuqishme, të parin në shenjën e Shigjetarit në 26 maj dhe i dyti tek Binjakët në 10 qershor. Eklipset jo gjithnjë kalojnë lehtë dhe kjo do të thotë që duhet të tregoheni të vëmendshëm për të nxjerrë mësime prej tyre dhe të kuptoni drejt mesazhin që po ju japin.
Përgjithësisht, eklipset kanë tendencën të sjellin lajme të papritura dhe nevojën për t’u përshtatur. Eklipsi i 10 qershorit sugjeron që veprimet që do të merrni pas kësaj date të përfaqësojnë një bashkëpunim afatgjatë.
Të dy eklipset, ai që kaluat dhe ky i 10 qershorit në shenjën e Binjakëve kanë nxjerrë në pah nevojën tuaj për të dalë nga mjedisi i zakonshëm që ju rrethon, qoftë edhe për disa ditë të vetme. Truri juaj është i uritur për paqe, për ngrohtësi familjare ose dhe e kundërta- ke nevojë për pak stimul që të dalësh nga përditshmëria. Nëse do të udhëtoni do ta bëni për të takuar një familjar apo njerëz të tjerë të afërt.
Marsi, planeti juaj udhëheqës ka qenë tek Gaforrja, duke ju fokusuar më tepër tek çështjet e familjes që prej 23 prillit. Ky fokus po zbehet dalëngadalë dhe në skenë keni një tjetër objektiv- dashurinë, romancën, shtatzëninë, fëmijët dhe sigurisht kreativitetin. Të gjitha këto do të jenë prioritet sidomos nga data 11 deri në 29 qershor. Kjo fazë e re do të jetë goxha relaksuese për ju dhe do të shijoni çdo të dalë.
Do të keni mbështetjen e miqve dhe me shumë mundësi ndonjëri prej tyre mund t’ju prezantojë me dikë që ndoshta ju intereson. Nëse jeni të martuar do të kaloni më shumë kohë me fëmijët tuaj.
Përsa i përket karrierës, do të keni shanse të mëdha për t’u promovuar. Shënoni datën 24 qershor për lajme të reja pasi Hëna e Plotë në Bricjap është një nga momentet më të fuqishme që do t’ju ndikojë në progresin profesional. Një njeri me shumë rëndësi do të flasë për ju dhe punën tuaj. Ndonëse edhe mund të mos e mësoni kurrë kush është, mirësia e këtij personi dhe besimi që ka tek ju do t’ju ndihmojnë shumë. Rezultatet do të jenë fantastike dhe mund të shpërbleheni me një titull, apo pozicion të ri edhe më herët nga ç’mendoni.
Akrepi
Organizimi i financave do të jetë përparësia kryesore në fillim të qershorit. Akrepi dihet se është i talentuar në çështjet financiare dhe këtë muaj, kjo do të provojë të jetë e vërtetë edhe një herë. Ky fokus tek paratë u realizua në fund të muajit të kaluar, kur ju duhej të siguronit një shumë të konsiderueshme parash. Ndoshta keni bërë një parapagim të madh në një shtëpi të re, keni dërguar para shkollimi në universitet, jeni martuar ose keni pasur një fëmijë. Paratë e shpenzuara duket se kanë qenë të nevojshme.
Ndryshimet kryesore të jetës pothuajse gjithmonë shkaktojnë shpenzime të mëdha. Përndryshe, mund të keni kontribuar me para në një të afërm të dashur që është në ankth, një arsye tjetër që mund t’ju ketë shkaktuar shpenzime. Eklipset në shtëpinë e dytë të pagave dhe kursimeve zakonisht paralajmërojnë një ndryshim, kështu që në vend të kësaj, mund të keni ndërruar punë. Nëse është kështu, mund të shihni se të ardhurat rrjedhin nga një burim i ri dhe “ndryshimi” mund të përfaqësojë një rritje që është rrugës.
Teksa muaji i kaluar shënoi një kulm ose përfundim të bisedimeve financiare, këtë muaj, eklipsi i dytë mund të mbushë përsëri llogarinë bankare. Eklipsi tjetër do të mbërrijë më 10 qershor si një eklips diellor i Hënës së re në shtëpinë e parave të njerëzve të tjerë. Ju mund të merrni lajme për një hua bankare të aprovuar ose një çek nga një program qeveritar. Mund t’ju ofrohet një hipotekë, ose kompania mund t’ju japë sigurim më të mirë shëndetësor dhe përfitime të tjera.
Nëse punoni në shitje ose jeni të vetëpunësuar, atëherë menjëherë pas 10 qershorit mund të sillni një ose më shumë klientë fitimprurës. Eklipset gjithmonë sjellin zhvendosje dinamike. Pandemia ka bërë që shumë njerëz të shqyrtojnë se si sigurojnë jetesën, pa marrë parasysh në cilën industri punojnë. Nëse dëshironi të bëni një punë ndryshe ose të fitoni para nga një industri e re, plani do të funksionojë jashtëzakonisht mirë.
Kur bëhet fjalë për karrierën, gjërat nuk mund të jenë më mirë. Jo vetëm që financat po ndryshojnë, por arritjet po vijnë në vëmendjen e njerëzve të rëndësishëm me ndikim. Marsi do të hyjë në shtëpinë e dhjetë të nderimeve, çmimeve dhe arritjeve më 10 qershor, për të qëndruar deri më 29 korrik dhe kjo përfaqëson periudhën më të mirë për shfaqjen e talenteve tek njerëzit e rangut të lartë. Sapo të fusni këmbën në derën e një personi të fuqishëm, ka të ngjarë të lini një përshtypje të mirë.
Keni një Hënë të re të vështirë që vjen në 8 gusht që mund të ndikojë në karrierë, kështu që bëni mirë t’i nënshkruani kontratat e punës tani – mos i shtyni bisedimet dhe nënshkruani deri në gusht.
Jupiteri është në shtëpinë e pestë të dashurisë së vërtetë dhe do të arrijë deri në Hënën e plotë në Bricjap. Në të njëjtën kohë, Afërdita do të bashkëpunojë duke qenë te Gaforrja, një shenjë uji që shkrihet bukur me ju. Afërdita do t’ju bëjë të jeni të dëshiruar. Nuk përjashtohen udhëtimet. Teksa Afërdita ju favorizon jashtëzakonisht, gjeni mënyra për të përmirësuar pamjen, sepse ju presin komplimente.
Nëse jeni duke u munduar të ngelni shtatzënë, edhe kjo mund të jetë e mundur. Nëse keni provuar, por keni pasur vështirësi, një konsultë me një specialist mund të jetë e dobishme. Nëse preferoni birësimin, aplikoni në Hënën e plotë më 24 qershor.
Mërkuri do të jetë në prapavijë vetëm deri më 22 qershor, kështu që deri në këtë Hënë të plotë të 24 qershorit, do të jeni të lirë dhe të qartë për të ecur përpara në një plan. Gjërat e sigurt do të shkojnë mirë këtë herë.
Nëse keni qenë duke negociuar për një marrëveshje, kontrata ka të ngjarë të nënshkruhet në këtë kohë, gjithashtu më 24 qershor. Koha e nënshkrimit është spektakolare, duke sugjeruar se fitime mbresëlënëse janë në rrugë e sipër.
Copyright Anabel.al /
