Dashi
Ka mundësi të jeni më kokëfortë se zakonisht gjatë kësaj dite dhe keni për të pasur probleme serioze. Ju të dashuruarit nuk do toleroni aspak dhe në shumë momente do keni debate e konflikte me partnerin. Ju beqarët nga ana tjetër do ndiheni më gati se kurrë për ta kërkuar dashurinë. Me pak mundim keni për ta gjetur atë. Në punë do keni konflikte me disa kolegë që janë munduar përherë t’iu bllokojnë. Edhe shefat do ju kritikojnë të dy palëve kështu që duhet patjetër të ndryshoni. Gjendja financiare nuk do jetë e keqe, por vazhdimësia do varet nga mënyra se si ju do e organizoni situatën. Mendoni më shumë për të ardhmen.
Demi
Gjatë kësaj dite nuk do dini çfarë hapash të hidhni dhe do e përjetoni keq çdo problem. Për ju të dashuruarit priten momente goxha të tensionuara. Mes jush dhe partnerit nuk ka për të ecur asgjë si duhet. Nëse jeni beqarë më mirë të prisni edhe pak kohë para se të hidhni hapa, pasi nuk është ende momenti i duhur. Në punë keni për të marrë një lajm negativ që në mëngjes dhe dita do ju shkatërrohet. Asgjë nuk ka për t’iu ecur ashtu si e kishit parashikuar. Financat nuk kanë për të qenë aspak problematike kështu që me një strategji më të mirë mund të arrini edhe ta përmirësoni situatën.
Binjakët
Dita e sotme nuk do jetë e tensionuar aspak përkundrazi do i merrni gjërat me qetësi dhe do mendoni me shumë për të ardhmen. Nëse jeni në një lidhje do ndiheni më të lumtur se kurrë në krahët e partnerit tuaj. Në fakt ai që keni në krah do përkujdeset për çdo detaj. Nëse jeni beqarë më në fund do takoni një person që do ju prekë zemrën dhe shpirtin. Me të do filloni një lidhje vërtet fantastike. Në punë do bëni goxha përparime. Do jeni të vëmendshëm edhe ndaj detajeve më të vogla dhe do keni arritje të mëdha. Për financat ka për të qenë ditë e qetë. Nuk do keni aspak vështirësi për të bërë edhe disa investime të menduara.
Gaforrja
Hëna dhe Plutoni do ju bëjnë më luftarakë gjatë kësaj dite dhe nuk do ndaleni asnjë moment. Ju të dashuruarit do bëni të pamundurën që të shmangni debatet dhe konfliktet në jetën tuaj. Durimi, qetësia dhe pozitivizmi do ju bëjnë të ecni përpara. Ju beqarët nuk do e mbani mendjen tek krijimi i një lidhjeje, por papritur do ndodhë diçka që do iu nxitë të hidhni hapa. Në punë duhet të përqendroheni tek gjërat më thelbësore dhe t’i lini të tjerat për nesër. Idetë do i keni të mira mjafton t’i vini në veprim. Financat nuk kanë për të qenë shumë të mira kështu që sa herë t’iu duhet të shpenzoni tregohuni të matur.
Luani
Edhe pse do ju ndryshoje shpesh humori gjatë kësaj dite ju sërish do doni të ecni para. Ju të dashuruarit do jeni shumë kërkues me partnerin tuaj dhe kjo mund ta nxehë herë pas here atmosferën në jetën tuaj. Ju beqarët duhet të jeni më të rezervuar dhe më të kujdesshëm gjatë takimeve që do realizoni pasi në të kundërt mundet edhe të lëndoheni. Në punë stresi mund t’iu pengojë të hidhni hapat e menduara. Do ndiheni pa fuqi dhe pa dëshirë për të bërë diçka. Gjendja e financave për fatin e mirë nuk do jetë e keqe, kështu që mund të bëni edhe ndonjë investim të vogël.
Virgjëresha
Edhe pse shumë do mundohen t’ua prishin harmoninë, nuk do ja dalin dot gjatë kësaj dite. Nëse keni një lidhje partneri juaj do jetë më me fat pasi do i përkushtoheni me mish e me shpirt në çdo moment. Marrëdhënia mes jush do jetë e adhuruar nga të gjithë. Nëse jeni beqarë nuk duhet t’i ndrydhin ndjenjat tuaja, por duhet t’i shprehin sa më shumë ato. Vetëm kështu do mund ta tërheqin pas vetes atë që pëlqeni. Në punë do keni shumë dëshirë të ndryshoni gjithçka për një të ardhme më të mirë. Shefat do dinë si t’ua plotësojnë dëshirat. Financat nuk do kenë aspak probleme, kështu që do jeni të qetë në këtë sektor.
Peshorja
Nuk do vlejë për asgjë nevrikosja gjatë kësaj dite, përkundrazi ajo mund t’iu krijojë edhe probleme. Mundohuni të ruani qetësinë. Për ju të dashuruarit e sotmja do jetë normale dhe pa asgjë të jashtëzakonshme. Bëni në çdo moment atë që do ndieni. Ju beqarët duhet t’i dëgjoni me kujdes këshillat që do iu japin disa miq ose të afërm sepse ato do jenë të vyera. Në punë do e bëni çdo gjë me finesë dhe profesionalizëm. Bashkëpunëtorët do ndihen me fat që ju kanë pranë dhe ju do ndiheni më të sigurt në vetvete. Perspektivat financiare nuk duken aspak të mira, prandaj do bëni mirë të tregoheni shumë të matur me çdo shpenzim.
Akrepi
Gjatë kësaj dite do kujdeseni shumë për imazhin tuaj dhe do mundoheni të tregoheni më të kujdesshëm me gjithçka. Nëse keni një lidhje mundohuni të mbani larg rutinën nga jeta juaj sepse ajo mund të jetë shkatërruese. Flisni hapur me partnerin dhe bëni atë që është më e mira për të dy. Ju beqarët do keni mundësi të shumta për aventura kalimtare të cilat do ua mbushin zemrën me gëzim. Në punë do jeni tejet kurajozë dhe do i pranoni pa frikë edhe sfidat e reja. Vërtet do mundoheni pak, por do arrini atë që dëshironi. Nëse doni lidhje serioze do ju duhet të prisni edhe pak. Në planin financiar gjendja do jetë e mirë.
Shigjetari
Do ndiheni të pafuqishëm për të bërë gjëra të mëdha gjatë kësaj dite dhe herë pas here do ndiheni keq. Ju të dashuruarit do jeni më të ndjeshëm se kurrë dhe çdo gjest i partnerit do ndikojë drejtpërdrejt tek ndjenjat tuaja. Për fat të mirë ai do përkujdeset jashtëzakonisht dhe do ju bëjë të ndiheni më të lumturit në botë. Ju beqarët do keni një ditë të mbushur me risi dhe emocione. Në punë do i bëni gjërat dalëngadalë, por me siguri të plotë. Vazhdoni kështu dhe çdo gjë ka për t’iu ecur më së miri. Financat do mbeten të stabilizuara, kështu që mund t’i kryeni pa frikë shpenzimet e domosdoshme.
Bricjapi
As mos gënjeni dhe as mos u tregoni hipokritë gjatë kësaj dite sepse do bëni gabim. Nëse jeni në një lidhje mos bëni gabim të flirtoni me persona të tjerë sepse do keni probleme serioze me partnerin. Mos e prishni me dorën tuaj harmoninë që mbizotëron. Nëse jeni beqarë ka mundësi të takoni disa persona të cilët do iu bëjnë t’iu rrahë zemra fort. Në punë nuk duhet të lini pas dore çdo detyrë vetëm se ju duket sikur nuk ja dilni dot. Bëni përpjekje njëherë e më pas thoni fjalën e fundit. Gjendja e financave do vije dalëngadalë duke u normalizuar, por mos kërkoni që të pasuroheni menjëherë.
Ujori
Marsi do rregullojë çdo problem gjatë kësaj dite dhe do ju bëjë të ndiheni mirë. Për ju të dashuruarit e sotmja do jetë e bekuar nga yjet. Në çdo moment do ndiheni më së miri pranë partnerit dhe kënaqësitë do jenë të paimagjinueshme. Ju beqarët do kaloni një ditë të këndshme pranë miqve dhe të afërmve tuaj. Në punë do ketë disa kolegë që do mundohen t’ua bëjnë gjërat edhe më të vështira, por ju do jeni të pamposhtur. Gjithçka ka për t’iu ecur më së miri. Në planin financiar do ndiqni disa strategji strikte dhe gjendja do fillojë të ketë përmirësimet e para.
Peshqit
Gjatë kësaj dite do jeni të pavendosur dhe nuk do dini çfarë vendimesh të merrni. Për ju që keni nj ë lidhje, qielli i dashurisë nuk do jetë i kthjellet. Do jeni më shumë xhelozë sesa duhet për atë që keni në krah dhe në ndonjë moment situata mund t’iu dalë jashtë kontrollit. Për ju beqarët dita do fillojë dhe do mbaroj për mrekulli. Përgatituni për emocione të veçanta. Në punë do ju pushtojë stresi dhe meraku prandaj do e keni të vështirë të përqendroheni si duhet. Kërkoni pak ndihmë familjarët. Në planin financiar, pamaturia me shpenzimet do ju kushtoje shtrenjtë. Kujdes! /dritare.net
