Ilir Meta: Gjatë kësaj krize të rëndë të pandemisë, infermierët kanë bërë një punë heroike

Presidenti Ilir Meta në rrjetin e tij social në “Facebook”, ka falenderuar dhe vlersuar për punën e palodhur  bluzat e bardha gjatë pandemisë me luftën kundër armikut të tmerrshëm.

Postimi i plotë:

Duke luftuar ditë e natë me humanizëm, përkushtim dhe sakrifica të jashtëzakonshme, deri duke rrezikuar jetën e tyre në mbrojtje të shëndetit tonë. Sot, në Ditën Ndërkombëtare të Infermierit, ne u jemi më mirënjohës se kurrë për kujdesin dhe profesionalizmin e dëshmuar në vijën e parë të frontit kundër armikut të padukshëm. Përmirësimi i kushteve të punës dhe trajtimi i duhur financiar është vendimtar për të frenuar largimin e tyre nga vendi dhe rritur standardet e shërbimit tonë shëndetësor.