Me 73 vota pro u miratua ligji për studentët e mjekësisë në seancën plenare të kësaj të enjteje.
1 deputet ishte abstenim për këtë ligj, ndërsa nuk pati asnjë votë kundër.
Miratimi u bë pa votat e opozitës, e cila braktisi seancën plenare, në respekt të ditës së zisë për Gerti Bogdanin, ish-deputetin e PD-së që humbi jetën pas një arresti kardiak.
Me ndryshimet e reja, studentët e mjekësisë detyrohen të punojnë në Shqipëri për 3 vite, pas përfundimit të studimeve.
Studentët që janë aktualisht në vit të dytë, të tretë dhe të katërt janë të detyruar të punojnë në Shqipëri për 2 vite dhe ata që janë në vit të pestë e të gjashtë vetëm një vit.
