Top Channel ka hyrë ekskluzivisht në ambientet e brendshme të Namazgjasë.
Sot zbulohen disa detaje një ditë para ceremonisë së inaugurimit.
Kapaciteti pritet të jetë për mbi 5 mijë besimtarë, të cilët do të mund të kryejnë ritet e tyre.
Në portën hyrëse është vendosur flamuri shqiptar dhe ai turk. Në arkitekturën e xhamisë mbizotërojnë simbolet e besimit islam.
Themelet e xhamisë kanë nisur në vitin 2015 dhe pritet që nesër të hapë dyert për të gjithë besimtarët myslimanë.
