Efi një ndër banoret më të pëlqyera në “Big Brother VIP”, së fundmi ka dhënë një intervistë për “Top Albania Radio” ku ka ndarë për publikun eksperiencën e saj në “BBV”.
Efi zbuloi se ka kërkuar disa herë të dalë nga reality show: “Normalisht që ka pasur momente që kam dashur të dal, realisht kam dashur por jo për faktin që unë e kam ndjerë veten të dobët, por për faktin se unë e kam ndjerë veten superiore. Shikoja disa lloje debatesh që nuk doja të përfshihesha, zgjodha që të qëndroj në heshtje ose të mbyllem në dhomë dhe të rrija me dy persona që kisha dëshirë dhe po e ndjeja veten që nuk po luaja. Po thoja me vete që: “Kush është në të vërtetë loja dhe pse të gjithë po e përdorin këtë fjalë?” dhe po më bezdiste pafundësisht shumë. Për mua loja është pikërisht kjo, menaxhimi i nervave, i situatave, përgjigjja e duhur. Jo të luash sepse duhet të bësh një rol, këtë gjë banorët e këtij viti e kanë kuptuar gabim. Kjo nuk më pëlqen fare.”
E pyetur nëse Dea e kishte të menduar nominimin që bëri, Efi la të kuptohej se ajo ishte menaxhuar nga Olta që të vepronte ashtu.
“Shiko, nuk doja as të jepja një koment, unë e kam thënë që për mua aty ishin të gjithë karaktere të dobëta, të cilët i menaxhonte një person dhe asgjë më tepër.”
Sa i përket darkës së saj me Oltën, Efi u shpreh: Unë nuk është se luajta sepse nuk di të luaj në atë lloj këndvështrimi, unë po flisja me publikun nuk po flisja me Oltën në asnjë moment. Unë që në fillim nëse më keni dëgjuar vazhdova dhe qesha dhe i thashë: “Ti përsëri vazhdon të jesh e ligë”, nuk është se i thashë që unë ndryshova mendim për ty.
E pyetur se çfarë e bezdiste apo e nevrikoste më së shumti ajo tregoi:
“Kushdo personazh që të ishte(nga ata që debatonte), siç edhe u pa unë jam shumë njeri i drejtë, ndoshta është e gabuar ndonjëherë, por mua më doli që bëra shumë mirë që isha ashtu. Fakti që ti je i rrethuar 24 orë me kamera dhe ty të shikohet çdo lëvizje që ti bën dhe ti mendon se njerëzit nuk e shohin, mua kjo gjë më acaronte dhe tjetra është që ti përpiqesh të tregohesh i sjellshëm dhe i mirë dhe nuk e lë veten të lirë të tregosh atë që je, sepse shumica nga banorët në këtë pikë kanë dalë keq jo duke qenë të këqinj, por thjesht fakti që e ndrydhin veten edhe përpiqen të nxjerrin diçka që nuk janë, normal që do dalin keq. Ti e kupton që sado do mundohesh të shtiresh, sado ta mbash veten një muaj mezor, ka nga ato fragmentet e vogla që ti e tregon automatikisht se kush je dhe të prishet komplet imazhi. Më mirë lëre veten të qetë dhe shijoje sepse për mua kjo ishte gjëja më kryesore”, tha Efi.
