E ftuar në emisionin “Historia ime” në Tv Klan, ka qenë Burbuqe Selamaj, 60 vjeç e cila jeton në një fshat të Urës Vajgurore.
Burbuqe jeton me bashkëshortin, djalin e saj të vetëm dhe tre fëmijët e tij në një shtëpi të vjetër me kushte të vështira.
Djal është 34 vjeç, para 11 vitesh, ai u martua me mblesëri me një vajzë me të cilën sollën në jetë 3 fëmijë, përkatësisht një vajzë 10 vjeç, e cila është në shkollë dhe dy djem binjakë secili 6 vjeç e gjysmë.
Nusja e Burbuqes, sipas saj, vazhdimisht ka qenë e papërgjegjshme. Nuk kujdesej për fëmijët dhe kishin shpesh debate dhe sherre në shtëpi. Madje, nusja është larguar disa herë nga shtëpia, deri herën e fundit që u largua para 20 ditësh dhe nuk është kthyer më.
Mirela Milori: Martesa e djalit ishte me mblesëri, dashuri?
Burbuqe Selamaj: Me lajmësi. Mirela Milori: Sa vjeç është djali?
Burbuqe Selamaj: 34 vjeç. Mirela Milori: Sa vjeç ishin kur u martuan?
Burbuqe Selamaj: 21 vjeç ishte ajo dhe 22 vjeç ishte djali. 4 vitet e para jetuam bashkë dhe në jetë erdhi vajza e cila është 10 vjeç.
Mirela Milori: Kur ka ndodhur kjo?
Burbuqe Selamaj: Para 20 ditëve.
Mirela Milori: Po fëmijët ishin vetëm?
Burbuqe Selamaj: Ishte babai në gjumë, çupa po flinte, dy djemtë dhe kjo flinin tek krevati dopio. Kjo ishte ngritur, kishte hapur derën dhe kishte ikur. Djali në 4 e gjysmë kishte dalë për nevojat personale, provoi të hapte derën, nuk hapeshe. E tha djali që e shqeva se dyer të vjetra janë.
Shqyeva derën tha ai dhe dola përjashta. Pa djalin duke qarë që i thoshte dua mamin. Erdhi më thirri mua e më tha o mama ngrihu pak. Dola e më tha ka ikur ajo, ku ka vajtur e pyeta, tha nuk e di. Ai mendoi se mos është mby tur në rezervuar dhe i thashë jo, jo nuk është mby tur. Ishte ora 5 pa 10 e mori shefin e policisë e tha dale të zbardhet dhe e bëjmë denoncimin. Erdhi e mori djalin me makinë, shiu binte litar, bëri denon cimin erdhi në shtëpi dhe tha unë do iki në rezervuar.
Mirela Milori: Pse? Mirela Milori: Ti nuk e besoje këtë gjë, pse?
Burbuqe Selamaj: Sepse unë e dija kush ishte, i thoja ti nuk ma dredh dot mua as ti askush tjetër.
