Sjellja jonë erotike zbulon më shumë për karakterin tonë. Le të shohim deri në çfarë mase seksi është pasqyrë e personalitetit tonë!
Mund t’ju duket e çuditshme, por sjellja jonë erotike nuk ndryshon shumë nga aspektet e tjera të sjelljes sonë. Një person i hapur, i ëmbël, i afrueshëm dhe fleksibël nuk ka të ngjarë të jetë ndryshe në sjelljen e tij erotike.
Ekspertët që studiojnë sjelljen njerëzore shpjegojnë se shumica e njerëzve janë një kombinim i sjelljeve, një përzierje e shumë përbërësve të ndryshëm që mund të jenë të kundërta me njëri-tjetrin. Me fjalë të tjera, ne mbledhim elementë të seriozitetit, butësisë dhe gjallërisë në përmasa të ndryshme, secili sipas temperamentit të vet. Tërësia e këtyre elementeve formon personalitetin tonë dhe pasqyrohet në çdo aspekt të sjelljes, madje edhe erotike, duke formuar seksualitetin tonë.
Por kur një person mendon se sjellje të caktuara si butësia ose lojërat, nuk i përshtaten ose ai nuk ia lejon vetes, atëherë ai mund t’i eliminojë ato nga sjellja e tij e përditshme dhe të sillet me ashpërsi dhe ftohtësi. Mbase ai sillet në mënyrë të ngjashme gjatë marrëdhënies seksuale. Nga ana tjetër, nuk përjashtohet që ai i lejon vetes të devijojë gjatë aktit seksual duke nxjerrë një tjetër aspekt të vetës që e refuzon në jetën e tij të përditshme.
Sipas të dhënave të hulumtimit, si dhe teorive ekzistuese psikologjike, është e pamundur të ndash seksualitetin nga personaliteti i përgjithshëm, sepse këto janë koncepte të ndërthurura plotësisht. Si rezultat, sjellja jonë seksuale formohet dhe evoluon me kalimin e kohës, ashtu si personaliteti ynë ndërsa fitojmë më shumë përvojë dhe vetëbesim më të madh.
