Një zjarr i madh ka përfshirë dhjetë hektarë kullota në Malin e Thatë në Maliq dhe përhapja me shpejtësi e flakëve ka bërë që të vihet alarmi për rrezikun që i kanoset Parkut Kombëtar të Prespës.
Mësohet se zjarri ka rënë në një sipërfaqe me bimësi të ulët që kryesisht përdoret për kullotë.
Ndërkohë zjarri ka rënë mbrëmjen e së premtes, ndërsa në terren kanë zbritur forcat zjarrfikëse për të bërë të mundur shuarjen e flakëve.
Më shumë se 20 forca zjarrfikëse dhe pyjore të bashkisë Maliq janë angazhuar në këtë zonë. Gjithashtu për tu ardhur në ndihmë u janë bashkuar edhe zjarrfikëse të Pustecit.
Bëhet me dije se flakët kanë përfshirë dhjetë hektarë tokë.
