Andin Lokaj ka shkaktuar zemërim të madh me postimin e kryer pas përfundimit të ndeshjes Kosovë U21-Shqipëri U21, që u fitua 2-1 me përmbysje nga skuadra dardane.
“Parameno mos me pas fitu sonte kundër ktynve që kur kemi lujt na kosovart TOP, ata në stadion veq ushtar të tupit trunin të Enverit i kan pas në tribina. Harrova qi edhe peshqit me TURBI i patën kqyr”, ishin fjalët e zgjedhura nga komentatori i RTK-së.
Një status i turpshëm që ka sjellë reagimin e shumë figurave të sportit mbarëshqiptar. “Klloun” e cilësoi Lorik Cana, teksa “Plisat”, tifogrupi që mbështet Prishtinën dhe kombëtaren kuqezi, e kanë shpallur të padëshiruar në Prishtinë.
Tani vjen edhe reagimi i Ngadhnjim Kastratit, drejtorit të RTK-së, i cili paralajmëron masa ndaj komentatorit sportiv.
