Një 24-vjeçar shqiptar ka ndërruar jetë në Itali si pasojë e një aksidenti automobilistik. Mësohet se ngjarja e rëndë ka ndodhur një natë më parë në hyrje të Serra San Quirico
Shqiptari, me inicialet F.K., është futur në autostradën që e çonte për në Serra San Quirico dhe ka humbur kontrollin e mjetit. Për pasojë, makina ka përfunduar e përmbysur jashtë autostradës.
Shqiptari ka pësuar dëme të mëdha si pasojë e aksidentit dhe ka ndërruar jetë në vendin e ngjarjes. Për nxjerrjen e trupit të tij nga mjeti është dashur ndërhyrja e zjarrfikëses.
