Festa e Top Channel për finalizimin e Big Brother VIP i dha fund lidhjes së Beatrix Ramosajt dhe Donald Veshajt.
Çifti nuk u pa në asnjë moment në shoqërinë e njëri-tjetrit ç’ka nxiti fansat të mendojnë se lidhja e tyre ka marrë fund.
Trixa jo vetëm që u paraqit me vonesë në ‘afterparty’-n e organizuar, madje u shoqërua nga vëllai i saj Alban Ramosaj.
Dyshja qëndruan larg pjesës tjetër duke ngritur dyshime për raportin e këngëtares me aktorin Veshaj pas përfundimit të “Big Brother VIP”.
Këngëtarja nuk ka qëndruar pa reaguar, e cila me anë të një story në Instagram ka shkruajtur:
“Jo histori të rreme (duke i vendosur kryq fjalës ‘jo’). Ja ku e keni, tani e rregullova.”
Sikur të mos mjaftonte kjo, Beatrix ka vendosur që të mos e ketë më ‘follow’ në Instagramin e saj Donaldin dhe Romeon, ndërkohë që këta të fundit e ndjekin ende këngëtaren.
