Dashi 21/3 – 20/4
Në përgjithësi java do të jetë e mbarë por do të ketë edhe ditë që parashikohet të jenë mbushur me momente tensioni, sidomos në marrëdhëniet ndërpersonale. Të tilla do të jenë për shembull ditët e fundit të javës. Mbani veten nën kontroll të vazhdueshëm dhe ruani gjakftohtësinë.
Demi 21/4 – 20/5
Për ju kjo javë parashikohet me plot surpriza të këndshme, sidomos në rastet kur ashtu si dhe në javën e kaluar ju do të përballeni me disa kundërshtarë të fortë me të cilët keni interesa të kundërta. Ju këshillojmë të tregoheni të kujdesshëm në marrëdhëniet ndërpersonale, ta mposhtni egon dhe sedrën e sëmurë.
Binjakët 21/5 – 21/6
Bëni kujdes gjatë kësaj jave, pasi parashikohet t’ju dalin disa probleme shqetësuese. Kështu për shembull, të lindurit në qershor do të jenë shumë të ngarkuar në fushën e biznesit ku veprojnë. Nga mbingarkesa e punëve të tyre nuk do të kenë kohë në dispozicion për t’ua kushtuar partnerëve dhe të afërmve.
Gaforrja 22/6 – 22/7
Kjo javë për ju do të jetë e mbarë dhe më fat. Për disa nga ju mund të ketë mundësi mjaft të mira për ngritje në përgjegjësi dhe vlerësime në karrierë. Në përgjithësi kjo javë do të jetë mjaft premtuese për ju. Po kështu do të keni sinjale miqësie dhe besnikërie nga një njeri të cilin edhe deri tani e keni konsideruar shumë të afërt.
Luani 27/7 – 23/8
Këtë javë shenja juaj do të bjerë nën ndikimin e Jupiterit dhe ai do të inkurajojë të gjithë ata që kanë zell dhe dëshirë për të zgjeruar sa më tepër kufijtë e mundësive të tyre. Atyre nuk do t’iu mungojë këtë javë vullneti dhe pasioni për të arritur synimet e tyre profesionale. Do të keni shanse dhe për këtë javë në fushën tuaj sentimentale.
Virgjëresha 24/8 – 22/9
Kuadri yjor i kësaj jave për shenjën tuaj do të jetë i mbushur me larmi, por natyrisht pa perspektiva të mira dhe rezultate pozitive në punë. Momente kënaqësie do të ndjeni në jetën tuaj profesionale. Kujdes, pasi do të keni ndonjë mosmarrëveshje të vogël dhe do t’ju duhet të bëni ndonjë sakrificë për të siguruar qetësinë e karrierës suaj.
Peshorja 23/9 – 22/10
Planetët do të ndikojnë në këtë javë në të gjitha sektorët e jetës suaj për të bërë zgjedhjet e duhura, sidomos në fushën tuaj profesionale. Përfitoni të hidhni iniciativat tuaja që dikur ishin ëndrra të parealizuara. Disa nga të lindurit në këtë shenjë do të shkëlqejnë këtë javë, sidomos në rolin e ndërmjetësit.
Akrepi 23/10 – 22/11
Në përgjithësi në këtë javë parashikohet të keni sukses në fushën tuaj profesionale por gjithçka do të varet nga predispozitat dhe aftësitë e gjithsecilit. Këtë javë në fushën e ndjenjave do t’ju ndodhin disa ndodhi që do t’ju falin emocione që nuk i keni provuar më parë. Jepuni pas pasioneve tuaja, por mos harroni dhe rreziqet.
Shigjetari 23/11 – 21/12
Bëni kujdes në këtë javë pasi do të keni mjaft probleme. Përpiquni të vendosni një rend sa më rigoroz në zgjidhjen e tyre, sepse mund të keni ngatërresa. Po kështu do të ndodheni këtë javë para disa të papriturave edhe në fushën e ndjenjave.
Bricjapi 22/12 – 20/1
Kjo javë parashikohet të jetë e mbarë në fushën tuaj sentimentale. Do të keni mbështetjen dhe përkrahjen e eprorëve dhe të shefave tuaj të cilët do të jenë mjaft të kënaqur nga puna juaj. Kujdes të veçantë në këtë javë duhet të keni në fushën e ndjenjave. Shmangi bisedat e kota që kanë të bëjnë me xhelozinë e tepruar. Do t’ju rekomandonim të kishit më tepër besim te ndjenjat e partnerit tuaj.
Ujori 21/1 – 20/2
Java do të jetë e mbarë por kjo s’do të thotë që gjithçka do të shkojë për mrekulli. Do të keni disa situata të ndërlikuara të cilat do të kërkojnë vullnet e këmbëngulje nga ana juaj për të arritur synimet. Mos lini asnjë mundësi t’ju ikë pa i
shfrytëzuar, do të shërbejnë për plotësimin e ëndrrave tuaja. Përdorni njohjet që keni me persona të rëndësishëm dhe do të dilni të fituar këtë javë.
Peshqit 21/2 – 20/3
Këtë javë do të merrni lajme të mira në mbarëvajtjen tuaj ekonomike dhe profesionale. Shenja juaj ndodhet në kuadrin pozitiv yjor, që do të thotë që kjo javë do të jetë më me fat nga javët e tjera. Në qoftë se keni projekte pune të parealizuara më parë, shfrytëzoni këtë javë. Do të jeni të favorizuar këtë javë në fushën tuaj të ndjenjave./lexo.al
