Simon Gjonaj artist ‘ model dhe këngëtar, u lind në Malësinë e Madhe (Malësinë e Tuzit) ku dhe nisi të jetonte endrrat e tij artistike, dhe me një hijeshi fisnike, tipike e djemve Malsor, ai po shpaloste çdo ditë e më tepër talentet e tija…të cilat ishin aktrimi, modelingu, poezia, dhe kënga.
Ai shumë shpejt u bë pjesë e marketingut promocional duke reklamuar produkte dhe duke u kthyer në figurën kryesore. Po ashtu ai u aktivizua dhe në aktrim ku spikati nëpër role të ndryshme. Ku për të gjitha këto do e cekim në një artikull të ardhëshëm.
E si do ndodhte ndryshe të lindesh e të rritesh nën hijen e Alpeve Shqiptare, nuk kishte se si mos të merrte nga zëri i bilbilave nëpër bjeshkë, nga gurgullima e ujërave të krojeve të vendlindjes të tij të dashur Malësisë.
Simoni këndonte që i vogël dhe dukej qartë se ai kishte dëshirë dhe talent, mbasi ai shkruante vargje të bukura, dhe ato vargje ai i këndonte, kështu që shumë shpejt ai e gjeti veten në rrjedhën e muzikës, të cilën ai e ndjek si një nga dëshirat e mëdha që ai kishte dhe vazhdon të ketë.
Simon Gjonaj i cili tashmë jeton dhe vepron larg vendlindjes, pikërisht në Shtetet e Bashkuara të Amerikës, ku në vazhdimësi po punon në realizimin e ëndrrave të tij artistike. Gjithashtu duke i dhënë hapsirë dhe këngës.
Nuse Shqiptare titullohet kënga që Simon Gjonaj sapo e ka publikuar në Youtube dhe në rrjetet sociale. Këngë e cila u mirëprit nga miqtë e këngëtarit, por edhe nga këngëtarët e Malësisë të cilët e përkrahën kolegun e tyre duke bërë share në profilet e veta, gjë që është një suport i mirë për çdo artist.
Gjatë bisedës virtuale me gazetarin e portalit tonë, Simoni tha se ka disa këngë por që nuk i ka publikuar akoma, ai tha më tej se së shpejti do vijë me projekte të reja, balada, popullore e alternuar apo turbo folk, mbetet që të presim deri më realizimin e tyre.
Në linkun më poshtë ju ftojmë të shikoni dhe dëgjoni këngën ⬇️
“Nuse Shqiptare”
Muzika & Ork : Labinot Mezini
Vokali: Gjekë Dushaj
Video: Elis Shaho
Teksti:Simon Gjonaj
