Aurel Deda këngëtari Mirditor i cili jeton bashkë me këngën, të cilën e këndon me pasion. Aureli që i vogël ka spikatur me talentin dhe zërin e tij të bukur dhe jehues, me pjesmarrjen në organizime dhe aktivitete të shkollës ku ai mësonte, u njoh me ndjesinë që të jep skena dhe duartrokitjet e publikut.
Aureli tashmë është i njohur për publikun e gjerë nga disa këngë që disponon në Youtube, këngë të cilat u mirëpritën dhe kanë sukses në vazhdimësi, këtë e dëshmon numri i klikimeve të këngëve që vazhdon të rritet.
Këtë herë Aurel Deda sjell një këngë malli, mall i cili vjen brenda shpirtit kur jeton larg vendlindjes, e si do ndodhte ndryshe kur ai jeton larg Mirditës së tij krenare, dhe gjithë mallin e tij ai e përcon me mjeshtëri në këngën që artisti Mirditor sapo e ka publikuar, një këngë që të mallëngjen dhe të mbush me kujtime.
Kënga Malli i Vendlindjes u mirëprit dhe u bë kryefjalë e profileve të artistëve mirditorë dhe më gjerë, të cilët e mbështetën këngëtarin Aurel Deda dhe këngën e tij të re, duke e shpërndarë në rrjetet e tyre sociale, ku me komentet e tyre pozitive përgëzuan kolegun për realizimin e kësaj kënge të mrekullueshme.
Në linkun më poshtë ju ftojmë të shikoni këngën
Malli i Vendlindjes-Aurel Deda
Teksti & Muzika-Paulin Gega
Çifteli-Paulin Gega
Orkestrimi-Mario Marku
Video-Aldi Lleshaj.
