Vajza e ish-kryeministrit Sali Berisha, Argita Malltezi në vitin 2005, sapo u kthye nga Kosova, deklaroi ne listën e gjatë të pasurive, 6 apartamente, 1 vilë në bregdet, 1 dyqan, 3 mijë metër tokë, 2 makina luksoze dhe 7 llogari bankae. Nëse i llogarisim, vlera totale shkon në rreth 750 mijë dollarë.
“Vlera, e marrë së bashku me dy makina të blera 58 mijë dollarë dhe 5 mijë dollarë dhe euro respektivisht, shkon 746 500 dollarë. Diferenca mes të ardhurave prej 1 051 000 e vlerës aktuale të pasurisë prej 746 500 dollar është mëse e dukshme”, u shpreh Argita Malltezi.
Sipas vetë deklaratës që zonja Malltezi ka firmosur, të ardhurat e saj dhe të bashkëshortit nga puna në UNMIK dhe PNUD shkojnë 805 mijë dollarë, dhe jo 1 milionë e 51 mijë dollar. Për këtë mospërputhje, Argita Malltezi është treguar e kujdesshme për të sistemuar shifrat, sipas Top Story.
“Dhe këtu për efekt të llogarive do të fus dhe kredinë që kam marrë për blerjen e një apartamenti me një vlerë prej 150 mijë euro. Nga ana tjetër, të gjitha këto po të mblidhen, duke konvertuar dhe kredinë time në dollarë, dalin në një vlerë prej 1 051 000 dollarë”, u shpreh Jamarbër Malltezi, dhëndri i Sali Berishës.
Pra, nëse zbret edhe kredinë të ardhurat shkojnë rreth 820 mijë dollar, diçka më tepër se të ardhurat e deklaruara prej 805 mijë dollarësh. Nëse të gjitha të ardhurat janë shpenzuar për pasuritë e deklaruara, mbetet e paqartë se me çfarë të ardhurash kanë jetuar nga viti 1999 deri në 2005.
“Nuk mbaj mend në jetën time një njeri, ose një politikan që të ketë ardhur nga brenda apo jashtë me atë pasuri të Bashës apo vajzës së Sali Berishës” u shpreh analisti Ilir Yzeiri.
