Së fundmi industria e prodhimit të qeseve plastike ka kundërshtuar nismën e qeverisë për të ndaluar përdorimin dhe prodhimin e qeseve plastike që prej 1 qershorit.
Vullnet Haka përfaqësues i shoqatës së ricikluesve ka paralajmëruar qeverinë se do të bëjnë ankesë në arbitrazh nëse një ligj i tillë do të miratohet.
Ata bëjnë me dije se kanë investuar mbi 50 milion euro në teknologji dhe mbyllja e aktivitetit do të kishte impakt ekonomik.
“Nëse nuk do të merremi në konsideratë do të vazhdojmë shkallët e animimit”.
Kreu i Dhomës së Tregtisë e cilësoi absurd një vendim të tillë pasi Shqipëria rezulton të jetë vendi i parë në BE i cili ndalon përdorimin e qeseve.
Sipas projektligjit të propozuar nga Ministria e Turizmit dhe Mjedisit çdo person që hedh në treg, prodhon, importon apo fut në territorin e Shqipërisë qese plastike mbajtëse, gjobitet nga 1- 1.5 mln lekë. Ndërkohë që, çdo person që i përdor këto qese do të gjobitet me 30 -100 mijë lekë.
