Ju prezantojmë shqiptarin që sjell unazën me vlerë 510 mijë euro
I keni parasysh filmat ikonik, ku ‘verbohesh’ nga shkëlqimi i diamantëve? Tashmë nuk kemi pse t’i ndeshim më vetëm në Hollywood. Një shqiptar është shndërruar prej 20 vitesh në brand-in botërorë të diamantëve. Flasim për Albert Kuzhninin që me eksperiencën dhe mendësinë e tij, e ka shndërruar “Markis” në kryefjalën e luksit të bizhuterive. Kuzhnini sot posedon mbi 5000 mijë produkte si dhe dyqanin më të madh online të bizhuterive. Besueshmëria dhe stili unik e diferencojnë nga të tjerët, duke e ngritur lart emrin e shqiptarëve në botë. Në një kohë relativisht të vështirë, ku shqiptarët mendonin integrimin e tyre në një shoqëri europiane, Kuzhnini kishte tashmë një vizion në mendje, për të zbukuruar jetën e të gjithëve rrethuar me shkëlqimin e diamantëve. Këtë herë ai kapërcen kufijtë e normales, duke realizuar jo vetëm ëndrrën e tij, por besojmë se ëndrrën e shumë personave. Unaza autentike qe ai ka krijuar kap vlerën rekord prej 510 mijë eurosh, duke e shndërruar këtë aksesor sa ikonik, aq edhe trashëgimi.
Kjo shënon një moment të ri të “Markis”, duke e çuar në një tjetër destinacion. Dhe kur flasim për Albert Kuzhninin dhe ambiciet që ai ka në këtë fushë, jemi të sigurt që emrin e tij do vijojmë ta dëgjojmë, këtë herë në media ndërkombëtare, duke u shndërruar në një ambasador për vendin tonë.
