Një aksident i rëndë ndodhi natën e kaluar ku për pasojë humbi jetën Florian Pupuleku, 17-vjeçar.
Rasti fatal u regjistrua në Trebisht, Bulqizë, për shkak se mjeti me të cilin udhëtonte së bashku me një shokun e tij doli nga rruga dhe përfundoi në humnerë.
I plagosur në aksidentin që ndodhi pasditen e sotme ishte 20-vjeçari Ervis Terziu
Pupuleku ka qenë maturant në Shkollën e Mesme Teknologjike “Hysen Çela” në Durrës, dhe senator i klasës së tij.
Lajmi ka lënë të hidhëruar miqtë dhe të afërmit e Florjanit të cilët kanë bërë postime prekëse në rrjetet sociale, për këtë aksident tragjik.
“Me keqardhje japim lajmin e hidhur se nxenesi i shkolles tone, senatori i klases se XII-U1 Florian Pupuleku ka humbur jeten ne nje aksident tragjik.
Stafi dhe nxenesit e shkolles i shprehin ngushellimet familjes dhe shokeve.
Qofte i xhehnetit dhe zoti i dhente force familjes”, thuhet në reagimin e shkollës për ngjarjen tragjike.
