Është shoqëruar me debate mes banorëve puntata e djeshme e “Big Brother VIP”. Pas replikave mes Monikës dhe Ilirit, në debat është përfshirë edhe Donaldi.
Iliri tha se ka zënë benë e vajzës që nuk i është referuar Monikës kur ia vendosi emrin dhisë Nika.
Monika është shprehur se kjo çështje duhet të mbyllet pasi Iliri kërkoi falje, ndërsa Balerini e ka mohuar të ketë kërkuar ndjesë.
Sipas Donaldit, nuk është rastësi që Iliri i thotë Monikës hipokrite dhe më pas i vë dhisë shkurtimin e emrit të saj.
Aktori i humorit i kërkon Ilirit që të mos gënjejë.
Ilir: Nuk kam ndonjë koment të madh. Atë që pata për t’ia thënë, ia thashë. Nuk ka qenë aspak lidhur me Monikën, sidomos shprehja e fundit për mjeljen. Unë i bëra dhe një be. Jam i qetë për atë që kam thënë. Është e kotë ti kthehem asaj teme se nuk do e bëja kurrë një shkaka të tillë sidomos me një femër.
Monika: Edhe unë dua shumë të mbyllet sepse në momentin që Iliri më kërkoi falje dhe…
Ilir: Unë falje nuk kërkova. Nëse e ke keqinterpretuar.
Monika: Pse e zure be gocën? Më the më fal nëse je lënduar. Meqë ka zënë kokën e gocës, dua t’ia lë çdo gjë dhe në momentet që çdo njeri, aq më tepër zë be fëmijën, jam nënë vetë, e kuptoj dhe mbyllet gjithçka.
Donald: Si mund ta mohosh që e kishte për Monikën? Si mundesh o vëlla? S’po merrem me batutën se zuri be gocën.
Ilir: Nëse e nxjerr dhinë për xhiro, i jap banane e mollë…
Donald: Nuk besoj se është rastësi që i thua hipokrite. Unë besoj se e ke të nevojshme Monikën se ty të bën simpatik.
Ilir: Ne flasim nga mëngjesi në darkë. Kemi një komunikim përmes ironive.
Donald: Nuk mund të gënjesh o vëlla.
