Lajmi se Rita Ora theu rregullat anti-covid duke organizuar një darkë mes miqsh për ditëlindjen e saj bëri bujë në mediat e huaja gjatë këtyre ditëve.
Madje këngëtarja pagoi gjobë dhe kërkoi falje publike.
Mirëpo nuk është Rita e vetmja që theu masat, ndonëse për të u bë shumë zhurmë.
Në nëntor, edhe P Diddy organizoi një festë për 51-vjetorin e tij duke ftuar personazhe të njohur e duke postuar video në Instagram.
Reperi u sulmua nga fansat, të cilët e quajtën “egoist”.
Kendall Jenner ishte një tjetër e famshme që në tetor, kur mbushi 25 vjeç organizoi një festë.
Edhe modelja u sulmua, por e ëma Kris Jenner i doli në mbrojtje.
“Njerëzit kanë opinione të ndryshme. E vetmja gjë që mund të bëjmë është të jemi të përgjegjshëm në mënyrën tonë dhe ne po e bëjmë”.
Motra e Kenallit, Kim Kardashian gjithashtu nuk pyeti për pandeminë duke ftuar njerëzit e saj të dashur në një festë në një ishull privat.
Kim u kritikua jo vetëm nga fansat, por edhe nga personazhe të famshëm.
The Chainsmokers u sulmuan në Twitter pasi organizuan një koncert në korrik.
Nga videot e publikuara, njerëzit nuk po mbanin distancën dhe shumica ishin pa maskë.
Organizuesit e koncertit morën gjobë.
© SYRI.net
