Presidenti brazilian, Jair Bolsonaro ka bërë akuza të forta ndaj vaksinave të koronavirusit të prodhuara nga kompanitë amerika.
Ai sugjeroi që vaksina mund të rezultojë në efekte anësore të çuditshme, të tilla si gratë që rriten mjekra dhe njerëzit që kthehen në krokodila.
Bolsonaro ka qenë skeptik ndaj pandemisë koronavirusit qëkur e quajti atë “një grip i lehtë”. Këtë javë ai këmbënguli se nuk do të vaksinohej, edhe pse vendi ka nisur programin e vaksinimit masiv.
“Në kontratën e Pfizer thuhet shumë e qartë: “ne nuk mbajmë përgjegjësi për ndonjë efekt anësor”. Nëse kthehesh në një krokodil, është problemi yt.
Nëse bëheni mbinjerëzorë, nëse një gruaje fillon t’i rritet mjekra ose nëse një burrë fillon të flasë me zë demëror, ata nuk mbajnë përgjegjësi “, tha ai, duke iu referuar prodhuesve të ilaçeve.
Pfizer-Biotech u është nënshtruar testeve në Brazil për javë të tëra dhe tashmë po përdoret në Shtetet e Bashkuara dhe Britani.
Kur nisi fushatën e imunizimit të mërkurën, Bolsonaro gjithashtu tha se vaksina do të ishte falas por jo e detyrueshme.
Por Gjykata e Lartë të enjten vendosi që vaksina ishte e detyrueshme.
Brazili ka regjistruar më shumë se 7.1 milion raste dhe pothuajse 185 000 vdekje nga Covid-19.
Vetë Bolsonaro u infektua në korrik, por u shërua brenda tre javësh.
