Tre persona mbetën të vdekur mbrëmjen e djeshme në Kosovë dhe një tjetër është plagosur, si pasojë e një sulmi me breshëri arme zjarri ndaj një autobusi.
Për pasojë, i vdekur në vend ka mbetur shoferi i autobusit Gani Gjokaj dhe dy nxënësit Ledion Hamzaj dhe Gentiana Mustafaj.
Në lidhje me ngjarjen e rëndë ka reaguar edhe halla e 17-vjeçares, e cila me zemër të thyer ka thënë se Gentiana donte që të bëhej mjeke.
“Ka qenë 17-vjeçare shkonte shkollën e mjekësisë dhe ka qenë duke u kthyer nga shkolla. Ka qenë orari i shkollës dhe ky ka qenë orari që u kthyer çdo ditë me linjë të autobusit, sikurse e kanë gjithë nxënësit. Familjarët janë të shokuar, dhe është një gjendje shumë e rëndë në familje.
Ajo asnjëherë nuk ka folur për ndonjë telash për tek linja e autobusit. Dëshira e saj ka qenë të jetë një doktoreshë në të ardhmen”, tregoi Laureta Kosumi për RTK. Kujtojmë që ngjarja ka ndodhur pasditen e djeshme ku një person i maskuar ka hapur zjarr ndaj autobist me nxënës, ku si pasojë mbetën të vdekur tre persona, shoferi dhe dy nxënës.
