- Rihapen sot në shkollat. Nxënësit në të gjithë vendin rikthehen në klasa pas pezullimit për 3 ditë, (24-26 janar).
Deri më tani nuk ka dalë një udhëzim se si do të zëvendësohen orët e humbura. Ministrja e Arsimit, Evis Kushi, tha se do të merret një vendim i dytë ku nuk përjashtohet mundësia që të zhvillohet mësim edhe ditëve të shtuna.
Gjatë prononcimit të djeshëm ministrja Kushi deklaroi se shkollat do t’i rikthehen normalitetit nga e enjtja, duke lënë hapur mundësinë e përsëritjes së një skenari të tillë në vazhdim, në rast të përsëritjes së temperaturave ekstreme.
Shkollat u mbyllën për 3 ditë, me argumentin jo vetëm për temperaturat e ulëta dhe mungesën e ngrohjes në shkolla, por për shkak të rrezikut që i kanosen fëmijëve nga shtëpia në shkollë dhe e kundërta. Madje njëri nga prindërit e fëmijëve të mitur u lejua që të qëndronte në shtëpi, duke mos pasur asnjë penalitet në punë.
