Dy liqene në rajonin bregdetar të Patagonias në Argjentinë janë bërë rozë për shkak të fenomeneve ende të pashpjeguara.
Ekologët vendas shfaqin fri kën se ato mund të shkaktohen nga ndotja industriale.
Liqenet janë të vendosura pranë një parku industrial në periferi të qytetit argjentinas Trelevo, në rrafshinën e Patagonianias.
Sipas Forbes, në njoftimet në faqen zyrtare të komunës së Trelevit thuhet se zyrtarët lokalë së fundmi hasën një kamion që po hidhte mbeturina aty pranë.
Autoritetet kanë dhënë opinione kontradiktore për mediat lokale nëse ndryshimi i papritur i ngjyrës së liqenit është i dëmshëm, por ambientalistët janë shumë të shqetësuar.
Aktivisti lokal Pablo Lada, anëtar i Rrjetit Ekologjik Kombëtar të Argjentinës (RENACE), tha se kjo potencialisht mund të jetë pasojë e ngjyrës që i jepet karkalecave të kultivuara aty pranë, për të marrë ngjyrën e saj tipike rozë.
“Unë mendoj se kjo lagunë rozë zbulon se sa keq u trajtuan mbeturinat aty pranë dhe në vetë liqenin”, tha Lada.
Zyrtarët mjedisorë lokalë dhe rajonalë po hetojnë shkakun dhe dëmtimin e mundshëm të liqeneve, por ende nuk kanë arritur në përfundime.
