Ambasadorja amerikane Yuri Kim ditën e sotme ka zhvilluar një takim me sekretarin e përgjithshëm të Grupit Parlamentar të Partisë Socialiste, Taulant Ballën.
Ky takim është zhvilluar para mbledhjes së Këshillit të Legjislacionit në Kuvendin e Shqipërisë, ku pritet të diskutohet propozimi i PS për zgjatjen e afateve të institucioneve të vettingut.
Nga informacione paraparake mësohet se në fokus të këtij takimi do të jetë pikërisht zgjatja e afateve të vettingut në drejtësi.
Ambasadorja Kim gjithashtu pak më herët zhvilloi një takim dhe me kryetaren e Kuvendit, Lindita Nikollën.
Ajo u pa teksa mbërriti në kryesinë e Kuvendit aty ku dhe zhvilloi takimin me Nikollën.
