Përplasen dy mjete, njëri përfshihet nga flakët

Policia Vendore në Durrës bëri me dije se sot dy mjete janë përplasur mes tyre, njëri prej të cilëve është përfshirë nga flakët.

Më datë 20.05.2021, rreth orës 08:40, në aksin rrugor Maminas – Durrës, në Maminas, janë përplasur mjetet tip “Benz” , “Renault” dhe “Volksvagen”, ku ky i fundit ka marrë flakë.

Shërbimet e Policisë dhe Zjarrëfikëset kanë shkuar në vendngjarje dhe po punojnë për fikjen e zjarrit.

Si pasojë janë shkaktuar vetëm dëme materiale.

Grupi hetimor po punon për sqarimin e  rrethanave të ngjarjes.