Nëse po lexoni vetëm horoskopin e shenjës suaj të diellit, do të merrni vetëm një paraqitje të shkurtër të asaj që ju pret.
Kur njerëzit ju pyesin se cila është shenja juaj e horoskopit, shenja e diellit ndoshta është ajo që del nga goja juaj me siguri, pasi është më e lehta për t’u kuptuar: Gjithçka që duhet të dini është ditëlindja juaj. Megjithëse astrologjia, në përgjithësi, është praktikuar për mijëra breza, horoskopët, siç i njohim ne tani me shenjën tuaj të diellit si identifikues kryesor, kanë qenë normë vetëm që nga vitet 1930 kur astrologu britanik RH Naylor filloi të publikonte parashikime për familjen mbretërore bazuar në datën e tyre të lindjes në gazetë. Lexuesit ishin kuriozë për parashikimet e tyre astrologjike, kështu që Naylor thjeshtoi leximet e tij për ta duke u fokusuar tek shenjat e diellit. Në vitet ’70, gazetat queer dhe feministe filluan të botonin një format të ngjashëm horoskopi dhe astrologia e shquar Linda Goodman solli plotësisht rëndësinë e identifikimit vetëm me shenjën tuaj të diellit në librin e saj, Linda Goodman’s Sun Signs, në 1968.
Megjithatë, kur lexoni një horoskop vetëm për shenjën tuaj të diellit, ju po merrni vetëm një paraqitje të shkurtër të asaj që është në pritje për njerëzit ose aspektet më të rëndësishme të jetës suaj. Shenja juaj e diellit e cila përcaktohet nga vendosja e diellit në ditën kur keni lindur mund të jetë një komponent i rëndësishëm i identitetit tuaj, por jo gjithmonë ju përfaqëson në mënyrë gjithëpërfshirëse. Ashendenti juaj, po.
Ashendenti ka të bëjë me identitetin dhe pikëpamjen tuaj për botën. Për shkak të kësaj, horoskopi për të mund t’ju japë më shumë të dhëna për veten tuaj.
Tiranapost.al.Z.B
