Frymëzuar nga romani “1984” i George Orwell, “Big Brother”, që pas transmetimit për herë të parë në vitin 1999 në Danimarkë, është një nga reality show-t më të njohur në botë. Qoftë programi origjinal i krijuar nga John de Mol Jr., versionet e transmetuar në SHBA, Itali, Indi, Shqipëri e shumë vende të tjera, formati ka mbetur i njëjtë: Një grup njerëzit që jetojnë për 3 muaj (ose më shumë) të mbyllur brenda një shtëpie të vëzhguar nga qindra kamera dhe garojnë për një çmim në para.
Një garë si “Big Brother”, një eksperiment social, një reality show patjetër që ka rregulla strikte. Në vijim gjeni një listë me rregullat që mund të jenë thyer në “Big Brother VIP Albania”. Pse mund? Sepse ato mund të ndryshojnë nga njëri vend në tjetrin dhe detajet e kontratave mbeten konfidenciale.
Rregulli: Ndalohen banderolat dhe njerëzit afër shtëpisë.
Banderolat dhe njerëzit nuk lejohen afër shtëpisë. Siç duket, publiku nuk e ka zbatuar këtë rregull; kujtojmë këtu dronët e shumtë me mesazhe, kryesisht për Luizin, si edhe protestën pranë shtëpisë, të organizuar nga ndjekës fanatikë të këtij të fundit.
Rregulli: Duhet të kenë parë të paktën një sezon të programit.
Pas eleminimit, Arbana Osmani iu drejtua Amosit duke i thënë se ai nuk e kishte ndjekur më parë “Big Brother”. Big Brother nuk është reality show tipik – është një garë e vështirë dhe producentët duan të sigurohen se banorët e ardhshëm janë të përgatitur mirë me rregullat dhe kanë zhvilluar strategjinë e tyre për të fituar.
Rregulli: Nuk mund të diskutojnë nominimet me banorët e tjerë.
Kush e ka bërë këtë? Kryesisht Olta Gixhari, deri-diku Luiz Ejlli; pak më pak banorët e tjerë.
Nëse Ilir Shaqiri vjet fliste për pemë që duhej t’u prisje degët një nga një (duke nënkuptuar faktin që duhej të nominonin banorët që ishin pjesë e grupit të Donaldit), Olta dhe Luizi as që janë përpjekur ta fshehin faktin që diskutojnë nominimet. Në prime-in e fundit, Olta i tha Kristit “nomino Kiarën dhe Maestron”. Luizi nga ana tjetër, u ka kërkuar banorëve të nominojnë banorët më të dobët.
Rregulli: Duhet të japin një intervistë pas largimit.
Pas skualifikimit nga gara, Kejvina nuk u shfaq në studio dhe ka refuzuar të marr pjesë në “Big Brother VIP Fun Club” si gjithë të eleminuarit e tjerë.
Rregulli: Nuk mund të flasin për ndarjen e parave me banorët e tjerë të shtëpisë.
Teksa përgatiteshin me Luizin për të kryer një sfidë (që do t’u siguronte 10,000 euro), Olta i propozoi atij që nëse fitonin, çmimin t’ia dhuronin Armaldos meqë do të bëhet baba.
Rregulli: Të folurit në një gjuhë tjetër përveç gjuhës zyrtare është rreptësisht e ndaluar.
Luizi di pesë gjuhë të huaja dhe nuk ka hezituar t’i tregojë aftësitë e tij me gjuhët e huaja kur është pyetur nga banorët. Gjithashtu me Kristin kanë folur disa fraza në frëngjisht. Megjithatë, komunikimi ka qenë në kontekstet e shakasë dhe kanë lënë të nënkuptuar se çfarë po flisnin, që do të thotë se nuk përbën problem për shikuesit.
Rregulli: Bisedat në dhomën e rrëfimit duhet të jenë gjithmonë konfidenciale.
Askush nuk duhet të ndajë bisedat e dhomës së rrëfimit me banorët e tjerë të shtëpisë, nëse nuk u kërkohet ta bëjnë këtë.
Rregulli: Banorët kurrë nuk duhet të frikësojnë, kërcënojnë ose veprojnë dhunshëm ndaj ndonjë personi tjetër të shtëpisë.
Kejvina goditi me shpullë Luizin; Luizi ka kërcënuar të gjithë banorët (në kuadër të lojës, sipas tij); Olta gjithashtu ka ofenduar; Olta është ofenduar nga Luizi dhe Efi; Amos ka shprehur skenarë me rrëmbime e kërcënime etj.
Rregulli: Ndalohet rreptësisht mbulimi ose ngacmimi i mikrofonave ose kamerave.
Nuk është zbatuar nga: Armaldo (i cili u hodh në pishinë bashkë me mikrofonin)
Rregulli: Ndalohet rreptësisht shkrimi i mesazheve sekrete.
Olta i dha Kristit një letër në fshehtësi, sipas një videoje të bërë virale.
Rregulli: Ndalohen rreptësisht psherëtimat.
Këtu lista është e gjatë.
Rregulli: Nuk lejohet të diskutojnë asnjë anëtar të produksionit.
Ditë më parë, Olta Gixhari dhe deri-diku Tea Trifoni ngritën pyetje në lidhje me qëndrimin e këtij të fundit brenda shtëpisë së “Big Brother Albania VIP”. Disa nga banorët thanë se akuza të tilla janë të rënda sepse i referohen produksionit. “Po edhe produksioni qoftë. Pse kam frikë ta them unë?” shtoi Olta.
Rregulli: Nuk lejohet të diskutosh për sezonet e mëparshme ose t’u referohen banorëve të sezoneve të kaluara.
Përpara se banorëve t’iu kërkohej nga produksioni që të diskutonin disa dinamika të edicionit të kaluar, ata vetë kishin diskutuar gjatë qëndrimit ish-konkurrentët e BBVA-1, duke përfshirë Donaldin, Ilirin, Einxhelin, Beatriksën etj.
