Astrologët parashikojnë një seri ndryshimesh në jetën e Bricjapëve, të cilët do të kenë fitime financiare. Beqarët e shenjës së Dashit dhe Akrepit do të kenë mundësinë të bien në dashuri në pjesën e dytë të vitit. Ky vit do të jetë i shkëlqyer edhe për Demin, ndërsa Luanët do të shijojnë shëndet të mirë gjatë gjithë vitit. Viti 2022 sjell një valë të madhe energjie tek Peshqit dhe hap derën drejt suksesit.
2022 është një vit me fat për njerëzit e lindur nën këtë shenjë të zodiakut, sepse ata do të arrijnë të përmbushin dëshirat e tyre më të zjarrta dhe të marrin mirënjohjen për arritjet e tyre. Peshqit do të marrin shumë ndihmë nga yjet në gjithçka që duan të arrijnë. Shtëpia e të ardhurave është gjithashtu e mbarë dhe do të sjellë shumë kënaqësi, si rezultat i përpjekjeve tuaja. Kështu, paratë do të jenë një nga temat tuaja të preferuara këtë vit.
Katër Elementet e Zodiakut në vitin 2022Shenjat e Zjarrit (Dashi, Luani dhe Shigjetari) do të kenë në dispozicion shumë hapësirë dhe kohë për të zhvilluar hobet e tyre personalë gjatë vitit 2022. Shenjat e zjarrit do të tërheqin anëtarë të fuqishëm në ekipin e tyre.
Natyrisht, ju do të punoni shumë dhe nga ky këndvështrim do të përfitoni shumë gjatë vitit 2022.Shenjat e Tokës (Demi, Virgjëresha dhe Bricjapi) do të imponojnë vëmendjen kozmike gjatë vitit 2022. Punoni dhe bëni përpjekje më me kujdes dhe përdorni përvojën tuaj; ky është rekomandimi për të gjithë shenjat e tokës. Saturni do të jetë në tranzit në Bricjap, duke sjellë fuqi dhe madje një fuqi të fshehur për të gjitha shenjat e tokës. Pas gushtit, gjithçka do të zvogëlohet përsa u përket shanseve dhe mundësive të suksesit, por kjo nuk do të thotë se do të pësoni humbje.
E thënë thjesht, do të jetë një periudhë neutrale, pa ngjarje apo zhvillime të veçanta.Shenjat e ajrit (Binjakët, Peshorja dhe Ujori) ndryshe nga viti i kaluar (2019), do të shijoni një vit shumë të rehatshëm në 2022. Puna në ekip, komunikimi dhe mirëkuptimi i ndërsjellë janë faktorët përcaktues për stabilitetin dhe suksesin. Këto nuk janë aspekte dhe aftësi të huaja për ju, kështu që nuk do të keni vështirësi të përshtateni, gjithçka që duhet është dëshira për të bërë përpjekje në këtë drejtim.
Viti 2022 do të jetë një vit i favorshëm për të gjitha shenjat e ajrit.Shenjat e ujit (Gaforja, Akrepi dhe Peshqit) janë, si gjithmonë, të ndjeshëm, gjë që mund të jetë një avantazh gjatë vitit 2022. Këtë vit, ata do të përballen me fillime të reja, në kuptimin më të mirë të fjalës. Një fillim i ri… për disa njerëz do të thotë një punë e re, një biznes i ri… një kurs i ri në jetë.
Dashi 21 Mars – 20 Prill
Horoskopi për shenjën e Dashit parashikon se ky vit do të jetë me fat dhe me momente të bukura. Në përgjithësi është një vit emocionues dhe shumë më pak sfidues se viti që po lamë pas.ShëndetiDashi do të shijojë një vit me shëndet të mirë. Gjatë këtij viti ju do të përpiqeni të kujdeseni më shumë për veten tuaj, do të interesoheni për gjendjen e trupit tuaj dhe mirëqenien tuaj. Do të filloni ta vlerësoni trupin tuaj me më shumë dashamirësi dhe durim, ta kuptoni atë më mirë dhe të ndiqni më me kujdes shenjat dhe nevojat e tij. Ndoshta ju do të caktoni më shpesh takime me mjekët për kontrolle rutinore ose do të zgjidhni të bëni disa ndryshime madhore në stilin tuaj të jetesës.Paratë & KarrieraKarriera mund të jetë më pak e theksuar se normalisht për pjesën më të madhe në muajt në vazhdim. Ndërsa ndërveprimet e rëndësishme ju sjellin vetëdije të re dhe, me sa duket, objektiva të reja biznesi.
Pika kryesore është ndarja e përgjegjësive, puna me pasuritë dhe burimet me njerëzit e tjerë dhe të kuptuarit se si një gjë ushqen tjetrën. Një nga eklipset hënore këtë vit energjizon shumë ndikimin që luajnë aktivitetet e jashtme në sensin tuaj të sigurisë dhe stabilitetit financiar. Talentet duhet të eksplorohen me një vëmendje mjaft serioze drejt fundit të verës pasi çdo dhuratë dhe aftësi e veçantë mund të jetë burim i të ardhurave shtesë ose mundësive të reja të karrierës.
Demi 20 Prill – 21 Maj
Shpesh pranoni se keni një personalitet të qëndrueshëm. Ju jeni shumë punëtor, por vendoseni energjinë tuaj në përdorim të mirë pas shumë reflektimeve. Sipas horoskopit, viti 2022 për shenjën e Demit është një kohë e mrekullueshme për të mësuar të vlerësoni bukurinë e gjërave që adhuroni dhe të kuptoni nivelin e sigurisë që llogaritë bankare dhe kursimet sjellin për ju. Eksploroni mënyra të reja për të shprehur pasionet tuaja.ShëndetiPër ju, të dashur Dem, ky vit do të sjellë shumë energji, megjithëse gjendja juaj shëndetësore varet shumë nga mënyra e zgjedhjes për ta përdorur atë.
Nëse keni vese të tilla si pirja e duhanit ose teprimi në ngrënie, këshillohet që të hiqni dorë, ose, të paktën, t’i zvogëloni ato. Gjatë pjesës së fundit të vitit, sistemi nervor dhe tretja mund të shkaktojnë disa probleme, kjo është arsyeja pse nuk rekomandohet të neglizhoni pushimin ose ushqimin.Paratë & KarrieraGjatë 2022 ju duhet të trajtoni disa çështje, duhet të zbuloni atë që ju nevojitet, çfarë dëshironi … pse e dëshironi atë dhe çfarë roli luan në sigurinë tuaj, fuqinë, mbështetjen dhe paqen tuaj. Aplikimi i këtyre pyetjeve për gjithçka, nga llogaritë tuaja bankare dhe kursimet, në marrëdhëniet tuaja, në punën tuaj, në dëshirat tuaja dhe në vlerat tuaja sjell një qartësi të mahnitshme dhe i bën të gjitha vendimet tuaja shumë më të lehta. Duke punuar fort do të vijnë edhe shpërblime shumë premtuese. Nëse dyshoni … merrni pak kohë, përqëndrohuni dhe përpiquni.
Binjakët 21 Maj – 21 Qershor
Pjesa më e madhe e vitit 2022 do të vërë në dukje punën tuaj Binjak. Të luash sipas rregullave është mënyra e vetme për t’i bërë gjërat.ShëndetiNë vitin 2022, shëndeti dhe gjendja shpirtërore janë të ndërlidhura. Kaloni më shumë kohë në shoqërinë e miqve dhe të dashurve tuaj dhe kini guximin të bëni atë që ndjeni – kjo është mënyra e vetme për të gjetur përmbushjen shpirtërore.
Nëse jeni të vetëdijshëm për çështjet mjekësore, rekomandohet të ndiqni dietën e duhur për problemet mjekësore nga të cilat vuani dhe të ndiqni këshillat e specialistit. Meqenëse kemi përmendur mjekët, në vitin 2022, yjet janë në favorin tuaj për të gjetur mjekun ose terapistin e duhur me të cilin mund të rezononi dhe kush mund t’ju ndihmojë të trajtoni ose, të paktën, të përmirësoni problemet me të cilat përballeni.Paratë & KarrieraBinjakët, në vitin 2022 do të marrin një kompensim të drejtë në lidhje me atë që punojnë, por duhet të punojnë fort, pasi kjo do të jetë një domosdoshmëri. Paratë që ju detyrohen nga një punë e bërë në të kaluarën mund të bëhen tuajat papritur gjatë tetorit dhe nëntorit. Një pritje e gjatë paguhet. Jupiteri ndihmon në mbështetjen e nevojave tuaja financiare dhe ju jep avantazh konkurues kur bëhet fjalë për të bërë atë që ju vlen për 8 muajt e parë të vitit.
Gaforja 22 Qershor – 22 Korrik
Një eklips i plotë i diellit në dhjetor shton fuqinë e tij në botën tuaj të përditshme, rutinore dhe mund të nënkuptojë një periudhë pune të shtuar, me shpërblime dhe promovime që janë të barabarta me atë që dëshironi të investoni.ShëndetiPër ju, e dashur Gafore periudha më stresuese duket se është sezoni i ngrohtë. Për fat të mirë, një dietë e pasur me vitaminë, por me kalori të ulët, si dhe aktivitet fizik të rregullt, përfaqësojnë armët për të ulur ndjeshëm nivelin e stresit. Kjo është arsyeja pse qëllimi juaj për këtë vit duhet të synojë, një ushqim të shëndetshëm dhe programe ushtrimesh për çdo sezon. Çdo lloj sporti është i dobishëm për ju gjatë këtij viti. Mos harroni të pushoni, pasi gjumi është një armik kundër stresit. Mundohuni të krijoni një rutinë të shëndetshme në lidhje me orët tuaja të gjumit dhe të pushoni sa herë që keni mundësi.Paratë & KarrieraPuna vazhdon të jetë jashtëzakonisht e rëndësishme, për të lindurit Gafore. Është një proces mësimi për të gjetur atë që funksionon më mirë për ju personalisht, çfarë gjithashtu përshtatet me detyrimet dhe përgjegjësitë tuaja dhe mund t’ju ndihmojë të realizoni më tej qëllimet dhe ambiciet tuaja. Horoskopi juaj tregon se viti 2022 sjell domosdoshmërinë e përpjekjeve fizike dhe disiplinën që është e nevojshme për të përmbushur qëllimet tuaja. Tre muajt e parë të vitit do të jenë plot përpjekje dhe oferta befasuese. Horoskopi për 2022 tregon se nëse keni përcaktuar qëllime që kërkojnë ambicie, pasion dhe punë të palodhur, përpiquni t’i bëni ato të lëvizin në shkurt, mars dhe prill. Kjo është pjesa më e mirë e vitit për të arritur përparim të shpejtë.
Luani 23 Korrik – 22 Gusht
Ju e përdorni të gjithë energjinë tuaj për të arritur qëllimet tuaja dhe ambicia juaj ju bën të ecni përpara pa marrë parasysh asgjë. Ashtu si kafsha që ju simbolizoni, mbretërimi juaj është absolut. Disa ndryshime të mëdha do të ndodhin në vitin 2022 në fushën e miqësive, aleancave të rëndësishme dhe të gjitha qëllimeve personale, idealet dhe misionet. Ekziston gjithashtu një lajm i mirë për ata që kanë pritur për punësim të ri, promovim ose arsimim.ShëndetiGjatë këtij viti, Luanët mund të ndihen të mbivlerësuar dhe ndonjëherë edhe të mbingarkuar me energji nga gjërat që ata planifikojnë të finalizojnë me sukses. Ndoshta ju prisni shumë nga vetja juaj ose është koha për të bërë disa ndryshime në jetën tuaj, ndryshime që kërkojnë ca kohë dhe ju duhet ta jepni atë. Një rivlerësim i jetës suaj, i dëshirave dhe aspiratave tuaja për këtë vit, si dhe riorganizimi i listës suaj të përparësive do t’ju bënte shumë mirë. Edhe pse fillimi i vitit ndihet si i fuqishëm sepse jeni plot entuziazëm, së shpejti do të duhet të vendosni një rregull në jetën tuaj. Prandaj, nëse mendërisht po përballeni me trazira, për sa i përket shëndetit tuaj fizik, mund të themi se fillimi nuk parashikon ndonjë problem. Sidoqoftë, përkundër ritmit të shpejtë të jetës tuaj, ju nuk duhet të lini pas dore trupin tuaj.
Paratë & KarrieraDo të gjendeni intelektualisht dhe kreativisht për të punuar me të gjitha mundësitë që janë të lidhura me burimet dhe financat. Ato janë mundësi që kërkojnë një këndvështrim të ri, një mendje të re dhe, me sa duket, një orientim të ri synimesh. Mos u mbështesni në mënyrat e vjetra të trajtimit të pasurive tuaja dhe mësoni të shikoni për të dhëna që ju lejojnë të dini kur të kërkoni ndihmë dhe kur të shkoni më tej. Reflektoni për një bonus të fundvitit, ose një ofertë të re për karrierë dhe konsiderojeni në të ardhmen.
Virgjëresha 23 Gusht – 22 Shtator
Në mënyrë që të mbani kontrollin mbi jetën tuaj, ju keni një sens të rreptë të pronësisë dhe preferoni të mbani distancë. Ju lini arritje triumfuese dhe fitore të njëpasnjëshme për të tjerët, duke preferuar të impononi praninë tuaj përmes besnikërisë dhe devotshmërisë së veçantë. Horoskopi tregon se karriera juaj dhe të gjitha qëllimet dhe idealet tuaja do të jenë qendra kryesore në vitin 2022. Fleksibiliteti, lidhjet emocionale dhe fuqizimi i vetvetes ju lejon të shfrytëzoni sa më shumë nga ofertat e këtij viti.ShëndetiViti 2022 premton të jetë një vit optimist. Koha më e mirë për shërimin e trupit është gjatë verës, veçanërisht në korrik dhe gusht, kështu që nëse doni të ndiqni një trajtim nga i cili keni frikë ose keni vendosur për një ndërhyrje, këto muaj janë të favorshëm për një shërim të lehtë.Paratë & KarrieraPër të lindurit e kësaj shenje puna është primare. Ky vit do të jetë një periudhë çlirimi nga barrierat e vjetra dhe konceptet e gabuara që ju kanë mbajtur mbrapa. Tregoni pak më shumë frymën dhe besimin tuaj ndaj eprorëve dhe të tjerëve me ndikim. Ndani idetë tuaja dhe futuni në rolin e liderit nëse keni mundësi. Duke marrë nën kontroll punën tuaj dhe të gjitha mundësitë që premtohen, viti 2022 mund të jetë transformues në fushën e përpjekjeve tuaja të biznesit. Një ndryshim emocionues në profesion ose punë mund të jetë në axhendën tuaj. Kini besim se jeni më shumë sesa të përgatitur të merrni atë që u ofrohet.
Peshorja 23 Shtator – 23 Tetor
ShëndetiPër ju, të dashur Peshore, shqetësimi për shëndetin tuaj, për pamjen tuaj fizike dhe mënyrën si ndiheni çdo ditë do të nisë që nga fillimi i vitit 2022. Megjithëse gjendja juaj e përgjithshme shëndetësore është përmirësuar, ju mendoni se ka akoma vend për më shumë. Në vitin e kaluar, ju keni zbuluar terapi dhe aktivitete të dobishme, që do të thonë shumë për ju. Tani e dini se çfarë duhet të bëni, cilat ndryshimet në stilin e jetës tuaj janë të dobishme për ju dhe ju sjellin gëzim dhe yjet parashikojnë gjithashtu një ngjitje të fortë shpirtërore.Paratë & karrieraKy vit do të jetë i mirë për ju Peshore. Gjërat që ju kanë bërë të ndiheni të sigurtë, të qëndrueshëm një vit më parë nuk kanë gjasa t’i siguroni më gjatë këtij viti. Mund të ketë para që vijnë nga punët e bëra në të kaluarën dhe mund të ketë një bonus ose promovim të lidhur me punën dhe karrierën tuaj. Vazhdoni të shikoni pavarësinë tuaj, aftësitë tuaja për të menaxhuar vetë dhe do të gjeni disa burime të vlefshme që ju presin ndërsa rrugëtoni gjatë muajve.
Akrepi 23 Tetor – 21 Nëntor
Disiplina dhe vetëkontrolli janë kërkesa gjatë vitit. Thjesht luani sipas rregullave.ShëndetiViti 2022 nuk sjell shumë ndryshime për shëndetin, as ndonjë lajm alarmant. Kjo sjell një ndryshim në qëndrimin dhe pikëpamjen tuaj në lidhje me mënyrën se si kujdeseni për mendjen, trupin dhe shpirtin tuaj. Gjithashtu, kërkohet vëmendje në rast se vuani nga alergjitë, sepse ato mund të përkeqësohen gjatë këtij viti. Një aspekt tjetër i favorshëm i vitit 2022 është se do të ndiheni më entuziastë dhe do të arrini të zbatoni planet tuaja me sukses.Paratë dhe KarrieraViti 2022 do t’ju gjejë të zënë me punë me partnerë, punëdhënës, e persona të tjerë të fuqishëm. Ju do të zbuloni periudha kur përpjekjet tuaja janë gjithçka që nevojiten për të ndërtuar burime financiare. Është një periudhë e mrekullueshme për të mësuar dhe pranuar faktin që ke nevojë për të tjerët. Edhe një herë mbani rregullat në mendje dhe respektojini ato.
Shigjetari 22 Nëntor – 21 Dhjetor
Sipas horoskopit tuaj, një nga aspektet më energjikë të vitit 2022 gjendet në partneritete, marrëdhënie dhe të gjitha mënyrat dhe llojet e angazhimeve.Ka rregulla që duhet të ndiqen dhe udhëzime për të qëndruar brenda, por ekzistojnë edhe mundësi të reja për lidhje më të larta që janë ndërtuar mbi besimin, respektin dhe dashurinë. Përveç partneritetit, eklips hënor në janar gjithashtu do të shtojë përgjegjësitë për të punuar dhe ëndërruar gjithçka. Një eklips i plotë i diellit në dhjetor në shenjën tuaj sjell disa potenciale të fuqishme në jetën tuaj.ShëndetiViti 2022 do të jetë i mbarë për shëndetin tuaj. Përpjekjet që keni bërë kohët e fundit për të përmirësuar shëndetin tuaj tregojnë efektin e tyre tani. Ju do të mbani një mënyrë jetese të shëndetshme dhe do të adaptoni zakone të reja të ngrënies dhe lëvizjes, më të mira dhe më efikase për ju dhe do të bëheni më optimistë. Yjet ju sjellin energji pozitive për të arritur në përfundimin e gjithçkaje që keni planifikuar.Paratë & KarrieraQëllimet dhe aktivitetet financiare janë relativisht të qeta gjatë vitit 2022. Karriera është në qendër të vëmendjes në mënyrën se si e mbështetni atë, punën që jeni të gatshëm të vini në të, mënyrën në të cilën trajtoni detajet, detyrimet dhe rutinat që shkojnë së bashku me të.
Bricjapi 22 Dhjetor – 20 Janar
Horoskopi i vitit 2022 po ju inkurajon të mësoni gjëra të reja dhe t’i zbatoni ato në punët tuaja të përditshme duke nxitur më shumë mundësi. Të kujdesesh për veten është po aq e rëndësishme sa të kujdesesh për detyrimet dhe përgjegjësitë që janë pjesë e jetës.ShëndetiNë përgjithësi, viti 2022 është një vit i mirë për ju, që do t’ju ndihmojë të përmbushni planet tuaja ambicioze dhe gjithashtu do të arrini të jeni të organizuar sa duhet për të patur kohë për hobit dhe kujdesin tuaj personal. Stresi është faktori kryesor i rrezikut për shëndetin tuaj, prandaj një mënyrë jetese e shëndetshme dhe gjithashtu metodat relaksuese si meditimi ose joga mbeten ndihma kryesore për ruajtjen e mirëqenies suaj.Paratë & KarrieraNjerëzit e tjerë dhe pasuritë e tyre luajnë një pjesë shumë të rëndësishme në ngjarjet më dramatike financiare të vitit 2022. Do ta gjeni veten duke konsideruar partnerë dhe ata që mund të shtojnë investimet tuaja. Marrëveshjet e mëdha dhe vendimet e biznesit që nuk mund të bëhen vetëm ka të ngjarë të kërkojnë vëmendjen tuaj herë pas here.
Ujori 21 Janar – 19 Shkurt
Idealet dhe vlerat romantike janë pikat kryesore në pjesën më të madhe të vitit 2022.ShëndetiViti 2022 është një vit i shëndetshëm, i dashur Ujor. Radhitja planetare nuk është shkaku i vetëm për këtë lajm të mirë, por edhe qëndrimi juaj në lidhje me përmirësimin e mirëqenies tuaj. Imazhi juaj është një nga prioritetet e këtij viti dhe madje do të merrni komplimente se dukeni më mirë, se jeni plot energji, se çehra juaj është më e ndritshme. Me fjalë të tjera, gjendja juaj e shëndetit do të jetë më shumë merita juaj. Vazhdoni dhe do keni një vit të mrekullueshëm.Paratë & KarrieraAsetet financiare janë shumë më të qëndrueshme dhe të qeta në vitin 2022. Këtë vit për çdo gjë që do të punoni do të paguheni. Investimet ka të ngjarë të jenë ato që paguajnë në mundësi afatgjata dhe mund të pasqyrojnë një dashuri të re për shtëpinë ose një lëvizje të mirëfilltë për në një mjedis më të mirë.
Peshqit 19 Shkurt – 20 Mars
Sipas horoskopit tuaj, shtëpia është shumë një nga pikat kryesore për vitin 2022. Puna e palodhur do të sjellë shumë shpërblime. E gjithë puna e bërë më parë për ndërtimin e diçkaje të sigurtë dhe të qëndrueshme do t’ju paguhet në fund.ShëndetiDo të shqetësoheni më shumë për gjendjen tuaj shëndetësore dhe trupin tuaj gjatë këtij viti sesa kohët e fundit. Lini takime tek mjekun, tek dentisti, madje do të bëni ndërhyrje që i keni shtyrë me vite. Kërkohet një vëmendje më e madhe për qetësinë tuaj, sepse gjumi ndihmon trupin tuaj të rigjenerohet dhe të rimbushet energjikisht.Paratë & KarrieraJu e dini se çfarë ju duhet për të plotësuar figurën tuaj, përtej gjërave bazike ekzistojnë edhe rezervat në bankë, kontratat që do ju bëjnë të ndiheni të sigurtë rreth së ardhmes suaj. Ky vit rezervon një pavarësi dhe besim në vetvete. Ju duhet të bëni lista përmbledhëse të asaj që mund të merrni dhe fitoni dhe të krijoni vetë dhe çfarë keni nevojë nga të tjerët./wsehoroscope
