Binjaket Leah Rose dhe Ava Marie Clements lindën në Kaliforni korrikun e vitit 2010, dhe nuk kaloi shumë kohë përpara se nënën e tyre, Jaqi, njerëzit ta bombardonin me komente për bukurinë e rrallë të dy vajzave të saj. Aq shumë i folën për këtë gjë, sa e ëma i regjistroi një herë kur ishin 6 muajsh në një agjenci modelingu, por më pas vendosi se nuk ishte koha e duhur për një gjë të tillë.
Kësaj ideje do t`I rikthehej kur vajzat mbushën 7 vjeç. Ajo postoi fotot e para të tyre në Instagram, pa e pasur as idenë më të vogël se ato do të bëheshin virale.
Sot, tre vjet më vonë Leah Rose dhe Ava Marie konsiderohen binjaket më të bukura në botë dhe janë që tani kaq të vogla, yje të Instagramit!
