Shqipëria zbret sot në mbrëmje në Rekjavik me një objektiv të qartë, fitoren, pasi kuqezinjtë synojnë kreun e Grupin B në Ligën 2, për të shtuar shanset e kualifikimit në Europian. Trajneri Edy Reja duhet të bëjë llogaritë në këtë transfertë pa disa lojtarë të rëndësishëm si Armando Broja, Rey Manaj, Myrto Uzini dhe Keidi Bare, por italiani shpreson që mungesa e tyre të ndihet sa më pak.
Gjendja e ekipit është e mirë ndërsa trajneri ka krijuar këto ditë një ide të qartë mbi formacionin që do të hedh në fushë nga minuta e parë. Kështu në portë do të jetë kapiteni Etrit Berisha dhe para tij treshja fikse Ismajli-Kumbulla-Gjimshiti. Në krahët do të luajnë Hysaj nga e majta dhe Ivan Balliu në të djathtë, një ndryshim që pati imapkt pozitiv në miqësoren kundër Spanjës.
Formacioni
Në qendër të mesfushës konfirmohet Gjasula, që do të mbështetet nga Abrashi i rikthyer nga dëmtimi dhe Endri Çekiçi më i avancuar, ndërsa Kristjan Asllani është projektuar ta nis nga stoli.
Në mungesë të Brojës, Manaj dhe Uzunit dyshja e sulmit pritet të formohet nga Sokol Cikalleshi dhe Taulant Seferi ndërsa Balaj dhe Vrioni do të jetë në dispozicion në çdo moment.
