Si fëmijë, shumë kohë shpenzojmë duke u përpjekur të mos flejmë.
Por, si të rritur tani na u duket çmenduri ajo dëshirë dhe me padurim presim të kthehemi në shtëpi për të fjetur, transmeton Telegrafi.
Megjithatë, si e dimë se sa gjatë duhet të flemë çdo natë?
A është diçka universale kjo apo unike për secilin individ?
Epo, një kompani australiane, “Bed Threads”, ka treguar se për sa orë gjumë keni nevojë varësisht nga shenja e Horoskopit të cilës i përkisni.
Dashi: Personat e kësaj shenje mund të mbijetojnë me shumë pak gjumë sepse janë shumë energjikë dhe ambiciozë. Kryesisht këta i bëjnë 6 orë gjumë.
Demi: Personat e kësaj shenje e kanë gjumin e rëndë dhe mund t’i bëjnë deri në 9 orë gjumë.
Binjakët: Këta e kanë një mesatare mes të bërit shumë gjumë dhe të bërit pak.
Gaforrja: Personat të kësaj shenje u nevojitet shumë gjumë për ta mbajtur ekuilibrin mes emocioneve dhe nuk ka gjë që u pëlqen më shumë sesa një shtrat i ngrohtë e i rehatshëm.
Luani: Luani më së miri flen në krevatin e vet dhe zakonisht pëlqen t’i bëjë 7-8 orë gjumë.
Virgjëresha: Personat e kësaj shenje mund t’ia dalin edhe me 6 orë gjumë, por ndihen shumë më mirë nëse flejnë më gjatë.
Peshorja: Personat e kësaj shenje duhet t’i bëjnë rreth 7-8 orë gjumë.
Akrepi: Akrepat janë të mbushur me pasion, xhelozi, kurajë, por asnjëherë të mërzitshëm. Ata menjëherë bien në gjumë të thellë dhe gjumi është shumë i rëndësishëm për ta. Këta i bëjnë zakonisht 8 orë gjumë.
Shigjetari: Shigjetarët funksionojnë me shumë pak gjumë dhe i bëjnë 5-6 orë gjumë kur janë nën presion, ndonëse 8 orë është idealja për ta.
Bricjapi: Këta janë persona të cilët preferojnë t’i bëjnë 8 orë gjumë.
Ujori: Personat e kësaj shenje po ashtu performojnë më së miri me 7-8 orë gjumë.
Peshqit: Këta janë ëndërrimtarët e Horoskopit, andaj nuk është befasi se kanë nevojë për gjumë më së shumti. Personat e kësaj shenje dëshirojnë t’i bëjnë gjithsesi 8 orë gjumë çdo natë dhe e shijojnë çdo sekondë. /Telegrafi/
