Shembet mbikalimi i metrosë në kryeqytetin e Meksikës, humbje jete dhe të plagosur

 Një tren metro doli nga shinat të hënën në mbrëmje në Mexico City, pasi një mbikalim betoni u shemb pjesërisht, duke vrarë të paktën 13 njerëz dhe duke plagosur shumë të tjerë, thanë autoritetet. Rrugëtimi nga shinat ndodhi në Linjën 12, të sistemit të metrosë në Stacionin Olivos në juglindje të Meksikës, tha agjencia e mbrojtjes civile e Meksikës në një postim në Twitter.

Fotot fillestare nga vendi i ngjarjes treguan shina treni të anuar, tela të ngatërruar dhe metale të përdredhur. Rrëzimi ndodhi rreth orës 22:25, sipas orës lokale dhe menjëherë u dërguan ekipet e urgjencës. Qeveria njoftoi për 13 persona që humbën jetën dhe tha se 70 të tjerë u plagosën në një postim në Twitter pak para mesnatës. Metro Mexico City, i quajtur zyrtarisht Sistema de Transporte Colectivo, paralajmëroi banorët të shmangin zonën.