DASHI, horoskopi vjetor për 2023 nga Artemide
Puna
Pas një viti 2022 shumë të vështirë dhe mjaft të paparashikueshëm, aktiviteti juaj profesional po rritet sërish. Me shumë mundësi, ky ndryshim do të ndodhë duke filluar nga muaji shkurt dhe do të shënohet nga disa ngjarje madhore. Marsi, planeti juaj në fuqi, do të fillojë të marrë frenat dhe jeta juaj do të fillojë të rikuperohet, të ecë përpara, duke i mbyllur derën të shkuarës së afërt. Rikuperim i mundshëm, por i ngadalshëm dhe gradual i kontakteve me kolegë nga qytete ose vende të tjera bashkëpunimet e ndërprera do të rikthehen.
Paratë
Në përgjithësi, financiarisht, 2023 është një vit shumë i mirë. Shumica e njerëzve të shenjës suaj do të kenë mundësi për fitime më të larta dhe kjo do të ndikojë në të gjitha fushat e jetës. Muajt më të mirë të vitit në aspektin financiar janë janari, gjysma e dytë e majit, qershori, gjysma e dytë e shtatorit dhe dhjetori.
Dashuria dhe familja
Në jetën personale, situata mund të precipitojë në mënyra të ndryshme. Periudhat e stabilitetit dhe të parashikueshmërisë, tipike për gjysmën e parë të vitit, zëvendësohen nga një stuhi pasionesh në gjysmën e dytë. Çiftet e paqëndrueshme do të përballen me probleme të reja dhe këtë herë, debatet do të lidhen me paratë apo çështje të tjera materiale. E gjithë kjo mund të ndodhë në periudhën midis vjeshtës dhe dimrit.
Shëndeti
Shumicën e vitit 2023 ju mbështeteni nga Jupiteri, një burim i fuqishëm energjie, që do të thotë se nuk duhet të keni frikë nga sëmundjet. Sidoqoftë, në muajt e vështirë të vjeshtës – midis tetorit dhe nëntorit – duhet të jeni më të vëmendshëm ndaj vetes, të shmangni situatat traumatike dhe gjithashtu të silleni më me përgjegjshmëri pas timonit.
DEMI, horoskopi vjetor për 2023 nga Artemide
Puna
Në mënyrë konvencionale, viti 2023 mund të ndahet në dy periudha shumë të ndryshme. Në gjysmën e parë të vitit do t’ju duhet të përballeni me problemet e lindura në vjeshtën dhe dimrin e vitit që po lëmë pas, si dhe të përgatitni terrenin për një cikël të ri, i cili do të nisë në maj. Në muajt e parë të vitit 2023, sipërmarrësit dhe menaxherët mund të ndërmarrin aktivitete të ndryshme organizative – ky është edhe një ristrukturim i mundshëm i kompanisë dhe zgjerimi i saj.
Paratë
Nga pikëpamja financiare, periudha më e vështirë përfshin muajt e parë të vitit, veçanërisht janarin. Gjatë kësaj kohe, do t’ju duhet të shlyeni borxhet e vjetra, të investoni në zhvillimin e biznesit tuaj, si dhe të zgjidhni çështje komplekse financiare.
Dashuria dhe familja
Në jetën personale do të shfaqen dy prirje të ndryshme. Shumë përfaqësues të shenjës suaj do të jenë të zënë me blerjen e një shtëpie të re ose rinovimin e një banese të vjetër. Ky është një lajm i mirë për çiftet që janë në marrëdhënie të forta dhe të qëndrueshme. Përndryshe, divorci është afër qoshes për çiftet e paqëndrueshme. Zgjidhja e re për strehim, në këtë rast është një nga kushtet e nevojshme për të mos i dhënë fund marrëdhënies.
Shëndeti
Në gjysmën e parë të vitit, potenciali juaj energjik është i ulët dhe në këtë drejtim duhet t’i kushtoni vëmendje të veçantë fundit të marsit dhe fillimit të prillit. Këshillohet të bëni kujdes kur vozitni me makinë sidomos në janar dhe tetor.
BINJAKËT, horoskopi vjetor për 2023 nga Artemide
Puna
Nga pikëpamja profesionale, ky vit do të jetë shumë i vështirë dhe mund të ndahet në tre periudha të ndryshme. Periudha nga fillimi i vitit deri në maj mund të përkufizohet si një fazë daljeje nga problemet e vështira të lindura në vitin 2022. Në këtë drejtim, muaji më i vështirë mund të jetë janari. Në shkurt dhe mars situata do të përmirësohet ndjeshëm, duke sjellë ndoshta forcimin e pozicioneve profesionale, si dhe përmirësimin e situatës financiare.
Paratë
Në planin financiar, ky vit mund të jetë me ulje-ngritje, gjë që nuk është befasuese duke pasur parasysh situatën aktuale. Megjithatë, ju do të jeni ende në gjendje të qëndroni pa rrezik mbi ujë, pasi do të keni shumë pará nga fundi i shkurtit deri në korrik. Shpenzime të mëdha do të vijnë në verë dhe në vjeshtë, do t’ju duhet të investoni në zgjidhjen e problemeve shumë të mëdha si në punë ashtu edhe në jetën tuaj personale.
Dashuria dhe familja
Për marrëdhëniet personale, gjysma e parë e vitit është më premtuese. Në periudhën nga shkurti deri në prill do të shfaqen shumë miq të rinj dhe mes tyre mund të takoni dikë që do t’ju ndriçojë shumë jetën. Koha do të tregojë nëse është një lidhje afatgjatë, por ka shumë mundësi që të jetë e sinqertë. Në gjysmën e dytë të vitit, shumë përfaqësues të shenjës do të angazhohen në projekte të reja që lidhen me pasuritë e paluajtshme. Ju mund të blini shtëpi të re ose të rinovoni shtëpinë ekzistuese.
Shëndeti
Do të jetë e nevojshme të hiqni dorë nga zakonet e këqija dhe të kujdeseni për veten: kjo do t’ju garantojë një mirëqenie të vazhdueshme.
GAFORRJA, horoskopi vjetor për 2023 nga Artemide
Puna
Profesionalisht, ky është një vit aktiv, i ndritshëm dhe dinamik. Puna e filluar në të kaluarën e afërt do të vazhdojë, pranë jush do të shfaqen njerëz të rinj që ndajnë me ju të njëjtat ide dhe mendime. Ata do t’ju mbrojnë dhe do t’ju ndihmojnë për mbarëvajtjen e të gjitha punëve. Personat e shenjës tuaj që punojnë si punëmarrës mund të presin me padurim një punë të re ose një promovim të rëndësishëm. Probabiliteti që kjo të ndodhë është shumë i lartë në gjysmën e dytë të marsit ose në prill.
Paratë
Në përgjithësi, financiarisht, 2023 është një vit shumë i mirë. Paratë nuk janë problem për ju dhe shuma e tyre do të rritet ndjeshëm edhe në të ardhmen. Shumë persona të shenjës suaj do të jenë në gjendje të shlyejnë borxhet, nëse kanë.
Dashuria dhe familja
Nëse jeta profesionale nuk ka dritëhije, garancitë mund të mungojnë në jetën personale. Nervozizmi dhe pasiguria gjatë gjithë vitit mund t’i shoqërojë si të dashuruarit ashtu edhe bashkëshortët, veçanërisht nëse nga pad kanë një sërë problemesh të ndryshme. Ora “X” do të vijë në vjeshtë – në tetor-nëntor, kur do të jetë e qartë se në cilin drejtim po shkon lidhja e çiftit. Dhe nëse ka mes këtyre çifteve biznes të përbashkët dhe financa të përbashkëta, situata do të përkeqësohet.
Shëndeti
Pothuajse për të gjithë vitin 2023, potenciali juaj energjik është mjaft i lartë, madje edhe ata që u sëmurën në vjeshtën e vitit 2022 do të shërohen shpejt. Disa probleme janë ende të mundshme në periudhën janar-shkurt, por me fillimin e muajit mars të gjitha problemet do të shndërrohen shpejt në një të shkuar të largët.
LUANI, horoskopi vjetor për 2023 nga Artemide
Puna
Gjatë gjithë vitit 2023, sfera juaj profesionale shënon vetëm ngjitje. Kjo do të jetë veçanërisht e dukshme nga prilli deri në maj, kur Jupiteri gjigant, planeti i fatit, do të vendoset në sektorin profesional të qiellit tuaj, duke qëndruar aty për një kohë të gjatë. Sipërmarrësit dhe shefat mund të presin rritie të madhe në biznes, si dhe rritje të të ardhurave. Kurse punonjësit – pritet të përfshihen në një pozicion të ri. Për disa, kjo do të ndodhë në të njëjtin vend pune, dhe në raste të tjera – në një subjekt tjetër, më premtues.
Paratë
Nga pikëpamja financiare, viti 2023 është një vit shumë i mirë, në çdo rast është shumë më i mirë se ai i mëparshmi, 2022 që po lëmë pas. Periudhat më të mira në aspektin material mund të konsiderohen maji, korriku, gushti dhe shtatori.
Dashuria dhe familja
Në jetën personale, edhe aty gjithçka nuk është e lehtë. Një proces i vështirë, por i nevojshëm ripërtëritjeje do të çojë në faktin se shumë marrëdhënie me partnerë do të duhet të rishikohen, dhe në disa raste kjo do të çojë në ndarje. Ndoshta një dashuri e re do të vijë në jetën tuaj dhe kjo është ajo që do t’ju bëjë të largoheni nga lidhja e vjetër. Në këtë drejtim, nëntori mund të shndërrohet në një moment kritik, kur do të kalohen të gjitha “vijat e kuqe”.
Shëndeti
Këtë vit potenciali juaj energjik do të rritet ndjeshëm dhe kjo do të jetë veçanërisht e dukshme në prill-maj. Muajt më të vështirë mund të jenë janari dhe nëntori.
VIRGJËRESHA, horoskopi vjetor për 2023 nga Artemide
Puna
Ndoshta këtë vit do t’ju duhet të kuptoni se është koha për të ecur përpara në aktivitetin profesional. Pavarësisht nëse jeni punëtor apo sipërmarrës, duhet të pritet një ndryshim i rëndësishëm në drejtim. Në disa raste, kjo do të shoqërohet me një ndryshim në të gjithë stilin tuaj të jetesës, si për shembull zhvendosja në një qytet tjetër ose një vend tjetër. Ose mund të jetë një rinovim i plotë i biznesit tuaj apo dhe përgjegjësi të reja në një front të ri pune. Megjithatë, ndryshimet nuk do të ndodhin menjëherë, por vetëm në periudhën maj-qershor. Ndërsa muajt e parë të vitit do të kalojnë me një pasiguri të vazhdueshme ose në punë komplekse organizative që do të përgatisin ndryshimet në fjalë.
Paratë
Gjysma e parë e vitit, periudha nga janari në maj, është financiarisht e vështirë. Një rreze drite mund të shfaqet në shkurt, kur probabiliteti për të marrë shuma të mëdha parash do të jetë mjaft i lartë. Në gjysmën e dytë të vitit, maji, qershori, fundi i shtatorit dhe tetori janë shumë premtuese financiarisht.
Dashuria dhe familja
Në jetën personale, ngadalë por me siguri, proceset e vështira të vetmisë dhe të largimit pasojnë njëri-tjetrin. Kjo vlen për të dy partnerët në martesa e bashkëjetesa, duke i lidhur me një barrë të rëndë të problemeve të së kaluarës, por përfshin edhebata që janë të lidhur prej kohësh. Saturni i ashpër, i cili prej kohësh është vendosur në sektorin e qiellit që është përgjegjës për marrëdhëniet, do të kërkojë një përgjigje për të gjitha gabimet e bëra në të kaluarën. Nëse nuk ka aq shumë telashe për sa më lart, gjithçka do të funksionojë, dhe nëse ka një gjurmë faji tek ju, përpiquni të vlerësoni me maturi pozicionet tuaja dhe të rishikoni sjelljen tuaj. Përndryshe, ndarja do të materializohet.
Shëndeti
Për sa i përket shëndetit, periudha më e vështirë është janar-prill. Gjatë kësaj faze, kujdesuni për veten dhe mbani mend se gjëja kryesore është shëndeti, dhe siç thuhet, të tjerat vijnë më pas. Njerëzit e dobët dhe të moshuar duhet të jenë veçanërisht të vëmendshëm ndaj vetes: atyre u këshillohet që të mos mjekohen vetë në shenjat e para të sëmundjes, por të kërkojnë ndihmë nga një mjek me përvojë.
PESHORJA, horoskopi vjetor për 2023 nga Artemide
Puna
Në vitin e ardhshëm do t’ju duhet të zgjidhni një sërë detyrash të rëndësishme dhe të vështira. Ndërmjet janarit dhe majit, sipërmarrësit dhe menaxherët do të duhet të përballen me problemet e vitit. Mbi të gjitha, këto janë çështje që lidhen me marrëdhënie me bashkëpunëtorë dhe kompani në qytete apo vende të tjera, të cilat në të ardhmen e afërt mund të hyjnë në një fazë kritike. Faza e stuhisë do të zgjasë nga janari deri në mars dhe më pas do të ulet intensiteti.
Paratë
Në planin financiar përgatituni për ulje-ngritje të papritura. Fundi i shkurtit, i marsit dhe korrikut do të jenë më mirë. Shumica e problemeve do të ndodhin në vjeshtë, veçanërisht në nëntor, kur problemet financiare do të shkaktojnë shumë ankth dhe mosmarrëveshje me partnerët e biznesit apo njerëzit e dashur.
Dashuria dhe familja
Jeta personale do të jetë e pasur, romantike dhe emocionuese. Ata që janë vetëm do të takojnë një person interesant dhe këtë herë gjithçka do të jetë shumë serioze. Një lidhje e gjatë dashurie apo një martesë e lumtur – çfarë mund të jetë më e mira për ju? Shqetësimet ekonomike në shkallë të gjerë janë të zakonshme në gjysmën e dytë të vitit. Kjo mund të jetë një shtëpi e re, një rinovim apo dhe gjëra të tjera shtëpiake. Një rol të rëndësishëm në të gjitha këto mund të luajë një person i dashur, biznesi apo puna e të cilit/ës po shkon akoma më mirë.
Shëndeti
Në vitin 2023, potenciali juaj energjik është i ulët, ndaj kujdesuni për veten dhe mos harroni se çdo gjë është me masë. Në gjysmën e dytë të vitit do të ketë një tendencë për të shtuar peshë, ndaj ka kuptim të mendoni paraprakisht për një dietë të ekuilibruar dhe të mbani mend përfitimet që vijnë nga ecja dhe marrja me sport.
AKREPI, horoskopi vjetor për 2023 nga Artemide
Puna
Në gjysmën e parë të vitit 2023 do të përballeni me një pikë kthese për karrierën tuaj. Në veçanti, kjo do të ndodhë midis fundit të marsit dhe prillit. Gjatë kësaj periudhe, ata që kryejnë një punë si punëmarrës mund të marrin një pozicion të ri ose detyra shtesë përtej atyre ekzistuese, duke korrur përfitime të mëdha si në aspektin financiar ashtu edhe në atë të kënaqësisë që njeriu ndjen kur puna i pëlqen. Sipërmarrësit dhe menaxherët e të gjitha niveleve do të mendojnë për zgjerimin e biznesit të tyre në sajë të projekteve të reja dhe për këtë do të kenë nevojë për bashkëpunëtorë të rinj.
Paratë
Ndoshta këtë vit do të përqendroni përpjekjet tuaja për të arritur një situatë të qëndrueshme financiare dhe do të jeni shumë të suksesshëm. Periudha mjaft të begata financiarisht janë fundi i marsit, prilli, fundi i korrikut, gushti dhe dhjetori. Kohë të vështira të vitit janë muajt: janar, shkurt, tetor, nëntor.
Dashuria dhe familja
Lidhjet në çift dhe marrëdhëniet familjare këtë vit do të kalojnë një rrugë me pengesa. Nuk ka ngjarje të mëdha në këtë fushë në gjysmën e parë të vitit. Megjithatë, duke filluar nga maji, situata do të fillojë të ndryshojë dhe, padyshim, për mirë. Bashkëshortët me një marrëdhënie të qëndrueshme do të jenë të lumtur për suksesin e njërit prej dy partnerëve: punët janë në rritje. Nuk përjashtohen ngjarjet komplekse familjare: rinovimi i banesave të vjetra ose blerja e një shtëpie të re.
Shëndeti
Për sa i përket shëndetit, duhet t’i kushtoni vëmendje gjysmës së parë të vitit: gjatë kësaj periudhe është i mundur një përkeqësim i sëmundjeve të vjetra ose shfaqja e papritur e të rejave. Yjet këshillojnë të bëni një mënyrë jetese të shëndetshme gjatë gjithë vitit.
SHIGJETARI, horoskopi vjetor për 2023 nga Artemide
Puna
Profesionalisht, viti 2023 mund të ndahet në dy periudha krejtësisht të ndryshme. Gjysma e parë e vitit, periudha nga janari në maj, do të jetë një fazë plot shkëlqim dhe energji, e përkryer për të rivendosur marrëdhëniet e ndërprera të punës ose për të përqafuar të reja. Duke filluar nga shkurti, shumë nga gjërat që ju spikatni, do të bëhen si të thuash, ikonat më të njohura dhe më të kërkuara në rrethin tuaj. Sipërmarrësit dhe menaxherët do të mund t’i prezantojnë idetë dhe projektet e tyre si para përfaqësuesve të institucioneve ashtu edhe publikut të gjerë dhe suksesi nuk do të vonojë.
Paratë
Situata financiare është e qëndrueshme. Paratë do të vijnë rregullisht dhe shuma e tyre do të rritet ndjeshëm në gjysmën e dytë të vitit. Në përgjithësi, në aspektin material, viti 2023 është një vit shumë i mirë. Dhe në shkurt, mars dhe prill mund të provoni fatin tuaj në llotari – mbrojtësi juaj Jupiteri mund t’ju ndihmojë me këtë.
Dashuria dhe familja
Për jetën personale, gjysma e parë e vitit është mjaft premtuese, veçanërisht periudha nga shkurti deri në prill. Gjatë kësaj periudhe janë të mundshme njohje të reja, hobi të reja dhe madje edhe romanca pasionante. Megjithatë, në gjysmën e dytë të vitit, gjendja e humorit romantik gradualisht do të zbehet.
Shëndeti
Në gjysmën e parë të vitit janari është i pafavorshëm nga ana energjike, por periudha nga shkurti deri në prill është shumë e mirë. Nëse ka një dëshirë për të ndryshuar imazhin, për të përjetuar risi, shkurt, për t’iu nënshtruar një operacioni plastik, atëherë nuk ka kohë më të mirë për këtë.
BRICJAPI, horoskopi vjetor për 2023 nga Artemide
Puna
Ky vit i ri 2023 duket të jetë relativisht i qetë. Me shumë mundësi nuk priten ndryshime të mëdha në karrierë, por do të ketë shumë punë. Më pas, në gjysmën e parë të vitit do të vazhdojnë aktivitetet e nisura në vitin 2022. Sipërmarrësit dhe menaxherët do të vazhdojnë të zgjerojnë biznesin, por dhe të përballen me shqetësime të ndryshme ekonomike. Kjo përfshin rinovimet dhe aktivitetet e tjera në lidhje me objektet, tokën ose pasuri të tjera të paluajtshme. Në disa raste, e gjithë kjo mund të ndodhë në një qytet tjetër ose në një vend tjetër.
Paratë
Në planin financiar përgatituni për goditje të papritura si lart ashtu edhe poshtë dhe këto të fundit mund të mbizotërojnë. Humbje të mundshme të konsiderueshme parash midis fundit të korrikut, gushtit dhe nëntorit. Siç parashikohet, shumica e fondeve do të mund të shpenzohen për jetën personale, familjare dhe nevojat e fëmijëve.
Dashuria dhe familja
Viti 2023 do të sjellë ngjarje të shumta në jetën tuaj personale. Në gjysmën e parë, shumë persona të shenjës suaj do të pajtohen me blerjen e banesave të reja – për veten ose për fëmijët e tyre. Sidomos për më të rinjtë parashikohet një fazë e ndritur në marrëdhëniet me të tjerët, por do të duhet edhe përkushtimi: mos ua fshihni ndjenjat të afërmve. Në shumë familje të personave të kësaj shenje, fëmijët ose nipërit janë rrugës.
Shëndeti
Gjatë gjithë vitit 2023, potenciali juaj energjik është mjaft i lartë, madje edhe ata që kanë qenë të sëmurë në të kaluarën do të shërohen shpejt.
UJORI, horoskopi vjetor për 2023 nga Artemide
Puna
Tendenca kryesore e gjysmës së parë të 2023 është zhvillimi i lidhjeve me kolegë nga qytete apo vende të tjera. Rivendosja e partneriteteve të mëparshme dhe udhëtime të rëndësishme biznesi janë të mundshme. Sipërmarrësit dhe menaxherët do të kenë plane për të zgjeruar biznesin dhe në disa raste kjo do të jetë edhe në rajone të tjera të vendeve të huaja. Këto biznese do të nisin me fuqi të plotë në gjysmën e dytë të vitit dhe për disa të shenjës suaj, kjo do të thotë të lëvizni dhe të filloni një biznes në një vend të ri.
Paratë
Në planin financiar viti është shumë i mirë. Përjashtimi i vetëm mund të jetë janari, kur do të shihni një vazhdimësi të problemeve të përjetuara tashmë në vjeshtë dhe dimër 2022. Me shumë mundësi ato do të lidhen me fëmijët apo njerëzit e dashur. Në të njëjtën kohë, Saturni, i cili ka kohë që është vendosur në sektorin financiar të Qiellit tuaj, bën thirrje për maturi në gjithçka që lidhet me paratë. Viti 2023 do të jetë i dyanshëm, pasi jo vetëm mund të fitoni, por edhe të humbni.
Dashuria dhe familja
Ngjarje të rëndësishme do të ndodhin në jetën personale. Në gjysmën e parë të vitit marrëdhëniet me të afërmit do të përmirësohen ndjeshëm dhe marrëdhëniet me fëmijët do të bëhen pak më të qeta. Shumë persona të shenjës suaj do të mendojnë për një shtëpi të re dhe me siguri do të vënë në veprim vendimet e tyre. Në ndonjë rast, do të jetë një apartament i ri, dhe në tjetrin, një qytet i ri ose një vend i huaj.
Shëndeti
Në vitin 2023, potenciali juaj energjik është mjaft i lartë dhe nuk keni frikë nga sëmundjet.
PESHQIT, horoskopi vjetor për 2023 nga Artemide
Puna
Gjysma e parë e vitit 2023 pritet të jetë një periudhë pune intensive, synimesh dhe idesh të reja. Është gjithashtu e mundur të arrihet sukses në projektet afatgjata të filluara më parë: kjo vlen si për menaxherët ashtu edhe për sipërmarrësit e pavarur. Muajt më premtues në këtë drejtim janë marsi, prilli dhe maji.
Paratë
Në planin financiar, viti 2023 është një vit mjaft pozitiv. Paratë do të vijnë rregullisht dhe shuma e tyre do të rritet ndjeshëm. Shumë njerëz të shenjës suaj do të ngrihen në një nivel më të lartë financiar, por edhe do të duhet të bëhen përpjekje për ta ruajtur këtë për një kohë të gjatë. Shpenzimet në vitin 2023 mund të shoqërohen me blerje të mëdha: në ndonjë rast ato lidhen me punën, dhe në të tjera, me jetën personale.
Dashuria dhe familja
Në sferën e dashurisë, gjithçka duket të jetë e qëndrueshme. Nëse ka pasur një takim të rëndësishëm vitin e kaluar, tani marrëdhënia mund të shkojë përpara. Dhe nëse nuk keni ende një të dashur, atëherë keni një shans të takoni një mik të besueshëm dhe në këtë drejtim mund të mbështeteni në periudhën pranverë-verë të vitit 2023. Në disa raste kjo mund të ndodhë në një udhëtim ose në një rreth të njerëzve që kanë ardhur nga larg.
Shëndeti
Në vitin 2023 ju rekomandohet të kujdeseni për trupin tuaj. Saturni i ashpër, i cili prej kohësh është vendosur në shenjën tuaj, kërkon që të hiqni dorë nga zakonet e këqija, të kujdeseni për veten dhe të ndiqni atë që zakonisht quhet një mënyrë jetese e shëndetshme.
Burimi:/noa.al
