Leonard Pjetri, një këngëtar i muzikës turbo folk, popullore, dhe të alternuar, sapo ka publikuar këngën e tij më të re, e cila titullohet “Cili është më i bukur”
Kush është Leonard Pjetri
Leonard Pjetri
Unë me origjinë jam nga Puka, i lindur dhe i rritur në Lezhë, por që jetoj dhe veproj në Greqi.
Si nisi Pasioni për muzikën në përgjithësi dhe këngën në veçanti.
Leonard Pjetri
Unë muzikën dhe këngën i kam në gen, sepse rrjedh nga një familje, dhe fis që kanë kënduar, dhe kanë luajtur veglat të ndryshme muzikore, të vendlindjes dhe veriut në përgjithësi.
Si nisi rruga jote drejt këngës.
Leonard Pjetri
Rruga drejt këngës ka nisur që në vogjëli, që kur isha fëmijë luaja në instrumente të ndryshme, dhe këndoja në organizime të asaj kohe, që në klasën e tretë, kam marrë pjesë në organizime të shkollave në Lezhë, dhe në vijimësi kam kënduar nëpër evenimente familjare, siç janë dasma fejesat, dhe kam marrë pjesë në Ansamblin e Ushtrisë.
Sa e vështirë është të jesh këngëtar sot, dhe si e shikon veten në të ardhmen, në rrugën e bukur të këngës.
Leonard Pjetri
E vështirë është, sepse si fillim duhet t’a dashurosh këngën, dhe duhet që të japësh më të mirën për fansat, duke e shiku që konkurenca është shumë e madhe, publiku është ai që me mbështetjen e tij na mban aktivë, dhe me projekte në vazhdimësi, në fund të fundit gjithësecili merr pjesën e vet në këtë jetë, në fakt për këtë pyetje, do të citoja një shprehje që e përdor shpesh në jetën e përditshme (Dielli lind për të gjithë) Kurse në të ardhmen, unë e shikoj veten duke realizuar dëshirën dhe pasionin tim të madh për këngën.
Kënga më e fundit e jotja është një këngë turbo folk e alternuar. Ti ku je më së shumti në shijet e muzikës.
Leonard Pjetri
Po e gjej veten shumë mirë në turbo folk, dhe më shkon në zërin tim, por unë këndoj dhe rryma të tjera muzikore, e pika që unë e dua më së shumti, është turbo folku dhe popullore.
A ke projekte të reja, dhe si mendon se do të priten nga fansat e tu.
Leonard Pjetri
Po kam projekte të reja dhe së shpejti do t’i publikoj në kanalin tim në Youtube, besoj se nuk do t’i zhgënjej fansat e mi.
Ne e falenderojmë këngëtarin Leonard Pjetri për intervistën, dhe i urojmë suksese në rrugën e artit muzikor.
Në linkun më poshtë ju ftojmë të shikoni këngën “Cili është më i bukur” /Portalishqiptar.com
