Nga java e ardhshme, qytetarëve në Angli nuk do t’u kërkohet më të mbajnë maska ose të punojnë nga shtëpia
Kryeministri britanik Boris Johnson i tha Parlamentit se qeveria do të përcaktojë një strategji afatgjatë për të jetuar me koronavirusin dhe tha se qytetarët duhet të jenë të kujdesshëm në javët e fundit të dimrit, sepse pandemia nuk ka përfunduar ende, raporton BBC. Ai tha gjithashtu se soji omicron “nuk është një sëmundje e lehtë për të gjithë, veçanërisht jo për ata që nuk janë vaksinuar”.
Ai njoftoi gjithashtu heqjen e rregullave për mbajtjen e detyrueshme të maskave për nxënësit e shkollave të mesme në klasa, transport publik dhe dyqane. Siç thuhet, dispozita që maskat do të jenë të detyrueshme për hyrje në vende të caktuara mbetet në fuqi.
BBC raporton se i ashtuquajturi Plan B, i cili hyn në fuqi më 27 janar, përmban gjithashtu një dispozitë që kompanitë nuk do të kenë më nevojë për një leje për covit. Gjithashtu do të lehtësohen masat kufizuese për shtëpitë e të moshuarve, ndërsa detajet do të bëhen të ditura më vonë. Mbetet përgjegjësi e kujtdo që është pozitiv me koronavirus të shkojë në izolim.
