Një 42-vjeçar shqiptar është arrestuar mbrëmjen e djeshme në zonën e Umbrias në Itali pasi iu gjet 1 kilogram kokainë.
Sipas mediave italiane, policia po kryente kontrollet e zakonshme për personat që thyejnë orën policore kundër koronavirusit.
Ata piketuan shqiptarin teksa lëvizte në afërsi të qendrës së qytetit. Efektivët e ndaluan të riun, dhe duke u nisur nga sjellja e tij, vendosën të bëjnë një kontroll fizik.
Gjatë kontrollit, në çantën e shpinës i gjetën një pako me 1 kg kokainë. Lënda narkotike kapte vlerën e afro 100 mijë eurove.
42-vjeçari shqiptar u arrestua dhe u dërgua në burgun e Capanne në zonën e Peruxhias
