Meridian Ramçaj është eliminuar sonte (e premte) nga shtëpia më e famshme në Shqipëri, Big Brother VIP.
Ai ishte në nominim së bashku me dy nga konkurrentët e fortë, Ilir Shaqirin dhe Donald Veshajn, teksa largimi i tij po pritej nga të gjithë.
I njëjti ishte pjesë e spektaklit prej disa javësh ndërkohë që dhuroi momente të shumta brenda, emocione e po ashtu edhe shumë rrëfime nga karriera e jeta personale.
Në momentin që u përshëndet me banorët, Donaldi filloi të qante duke u ndjerë në faj për daljen e opinionistit shqiptar.
Por, sikur të mos mjaftonte dalja nga shtëpia e ‘BBV’, debati i fortë dhe me ofendime me opinionisten Balina Bodinakun në studio, Meridianit të “shkretë” i bëjnë dalje edhe nga klubi i zemrës, Vllaznia.
Në një nga grupet e Vllaznisë në Facebook, i kërkohet Meridianit të mos shkojë në stadium në klasiken ndaj Tiranës më 15 janar, pasi sjell ters.
