Deputeti demokrat dhe sekretari organizativ i PD, Gazment Bardhi ka shkuar ditën e sotme në gjykatën e Tiranës ku po jepet masa e sigurisë për të gjithë personat e përfshirë në dhunën mes demokratëve në datën 8 janar.
Bardhi është përfshirë në një ‘përplasje’ me oficerin e policisë vetëm sepse ky i fundit nuk e ka lënë të futet në seancë sepse nuk kishte leje nga eprori i tij. Kjo ka sjellë reagimin e Bardhit i cili e ka konsideruar veprimin e oficerit si një provokim.
Oficeri i policisë: Të lutem prisni një moment se do shohim se kush do të hyjë i pari nga ju.
Deputeti Gazment Bardhi: Mos më provoko se më provokove deri tani, nuk t’u përgjigja.
Oficeri: Po nuk ju provokova zoti deputet, i nderuar do të pyes eprorin tim tani. Nuk kam as përse të të provokoj se as emrin nuk ta di.
Bardhi: Më pyet nëse nuk e di, nëse nuk e di emrin tim./Shqiperiaime.com.al
